لازوال ڈیسک
جموں؍؍کلسٹر یونیورسٹی آف جموں کے ایک حلقہ کالج ‘مولانا آزاد میموریل کالج کے این ایس ایس یونٹ نے کالج کے پرنسپل ڈاکٹر جی ایس رکوال کی سرپرستی میں، اپنے سالانہ میگزین جاگرکتیاں کا آغاز کیا، اس ضمن میں ایک خصوصی افتتاحی تقریب منعقدہوئی۔ تقریب میں کالج کے NSS یونٹ کے سبکدوش ہونے والے بیچ کی الوداعی تقریب کا بھی اہتمام کیا گیا۔ پروفیسر رنوجے سنگھ، ڈین آف اسٹوڈنٹ ویلفیئر، کلسٹر یونیورسٹی آف جموں اس موقع پر مہمان خصوصی تھے۔ تقریب این ایس ایس کے رضاکاروں کی دلکش پرفارمنس سے خوشگوار ماحول سے معمور تھی جنہوں نے اپنے سحر انگیز ہنر سے سامعین کو حیران کردیا۔ سالانہ میگزین کا اجراء اور سبکدوش ہونے والے رضاکاروں کو مبارکباد رضاکاروں کی قیادت میں پرفارمنس کے ساتھ تقریب کی اہم جھلکیاں تھیں۔
