پونچھ، راجوری اور ریاسی اضلاع کے دیہاتوں میں، ہندوستانی فوج نے متعددسرگرمیاں چلائیں
لازوال ڈیسک
جموں؍؍ماحولیات کو بچانے کی عالمی آواز کے مطابق ہندوستانی فوج نے ‘گو گرین’ پہل شروع کی ہے۔ اس پہل کے ایک حصے کے طور پر، دیہاتیوں کو درختوں کی اہمیت اور ماحول کو سرسبز رکھنے کے فوائد سے واقف کرانے کے لیے بیداری لیکچرز کا انعقاد کیا جا رہا ہے۔ اس کے ساتھ ہی مقامی گورننگ باڈیز کے ذریعے درخت لگانے کی حوصلہ افزائی کی جا رہی ہے۔ ایسے ہی ایک پروگرام میں 28 جولائی 23 کو پونچھ، راجوری اور ریاسی اضلاع کے دیہاتوں میں، ہندوستانی فوج نے عوام، طلباء اور سول انتظامیہ سمیت دیہاتیوں کے ساتھ بات چیت کی۔ بات چیت کے بعد تمام موجود افراد کی طرف سے اپنے گاؤں میں شجرکاری مہم کو آگے بڑھانے کا عہد لیا گیا۔ ہندوستانی فوج کے اس اقدام نے گاؤں والوں کے ساتھ ایک مثبت رشتہ جوڑ دیا ہے اور یہ یقینی ہے کہ طویل مدت میں علاقے کے سبز احاطہ میں تبدیلی لائی جائے گی۔
