25• کروڑ 2G صارفین پر نظر
•مکیش امبانی 2G فری انڈیا کی وکالت کرتے رہے ہیں
• ٹیکنالوجی اب کچھ چنند ہ لوگوں کا خصوصی احتیار نہیں رہے گا۔ آکاش امبانی
• جیو بھارت پلیٹ فارم’ بھی لانچ کیا گیا
• دیگر فون برانڈز بھی ‘بھارت فون’ بنانے کے لیے ‘جیو بھارت پلیٹ فارم’ کا استعمال کر سکیں گے
• کاربن کمپنی نے ‘جیو بھارت پلیٹ فارم’ کا استعمال شروع کیا
123• روپے کا ماہانہ پلان، 14 جی بی ڈیٹا ملے گا
نئی دہلی، 3 جولائی،2023۔ ریلائنس جیو نے 4جی فون ’’ جیو بھارت V2‘ ‘کو لانچ کردیا ہے۔ ’’ جیو بھارت V2‘ ‘ بہت سستی قیمتوں پر دستیاب ہوگا، اس کی قیمت 999 روپے رکھی گئی ہے۔ کمپنی ہندوستان میں تقریباً 250 ملین 2G صارفین پر نگاہ رکھے ہوئے ہے۔ یہ صارفین فی الحال ایئر ٹیل اور ووڈا فون۔ آئیڈیا جیسی کمپنیوں سے وابستہ ہیں۔ بتاتے چلیںریلائنس جیو صرف 4G اور 5G نیٹ ورک ہی آپریٹ کرتا ہے۔ ریلائنس جیو کا دعویٰ ہے کہن ’’ جیو بھارت V2‘ ‘ کی بنیاد پر کمپنی 10 کروڑ سے زیادہ صارفین کو شامل کرے گی۔
’’ جیو بھارت V2‘ ‘کی قیمت مارکیٹ میں دستیاب تمام فونز میں سب سے کم ہے جو انٹرنیٹ پر کام کرتے ہیں۔ 999 روپے میں دستیاب ’’ جیو بھارت V2‘ ‘ کا ماہانہ پلان بھی سب سے سستا ہے۔ صارفین کو 28 دن کی میعاد کے ساتھ اس پلان کے لیے 123 روپے ادا کرنے ہوں گے۔ جبکہ دیگر آپریٹرز کے وائس کالز اور 2 جی بی ماہانہ پلان صرف 179 روپے سے شروع ہوتے ہیں۔ اس کے علاوہ، کمپنی ’’ جیو بھارت V2‘ ‘ کے صارفین کو14جی 4 جی ڈیٹا دے گی یعنی آدھا جی بی یومیہ، جو حریفوں کے 2 جی بی ڈیٹا سے 7 گنا زیادہ ہے۔ ’’ جیو بھارت V2‘ ‘ پر ایک سالانہ پلان بھی ہے جس کے لیے صارف کو 1234 روپے ادا کرنے ہوں گے۔
ریلائنس کے مالک مکیش امبانی عوامی فورم سے 2G سے پاک ہندوستان کی وکالت کر رہے ہیں۔ کمپنی نے 250 ملین 2G صارفین کو 4G تک لانے کے لیے ‘ ’’ جیو بھارت‘‘ پلیٹ فارم بھی لانچ کیا ہے۔ دیگر کمپنیاں بھی اس پلیٹ فارم کو 4G فون بنانڪے کے لیے استعمال کر سکیں گی۔ کاربن نے بھی اس کا استعمال شروع کر دیا ہے۔ ماہرین توقع کر رہے ہیں کہ جلد ہی 2G فیچر فونز کی جگہ 4G بھارت سیریز کے موبائل لے لیں گے۔
اس موقع پر ریلائنس جیو کے چیئرمین آکاش امبانی نے کہا’’ بھارت میں ابھی بھی 25کروڑ موبائل فون یوزرس 2 جی میں ’ پھنسے ‘ ہوئے ہیں جو انٹر نیٹ کی سہولیات کا فائدہ نہیں اٹھا پارہے اور وہ بھی تب جب دنیا 5 جی کے محانے پر کھڑی ہے۔ 6سال پہلے جب جیو لانچ لانچ کیا گیا تھا تب ہم نے یہ صاف کہا تھا کہ جیو انٹر نیٹ کو سب تک پہنچانے میں کوئی کسر نہیں چھوڑے گا۔ ٹکنالوجی اب کچھ چنند ہ لوگوں کا خصوصی اختیار نہیں رہے گی۔ نیا جیو۔ بھارت فون اس سم میں ایک اور قدم ہے۔ اس تحریک میں شامل ہونے کیلئے ہم ہر بھارتیہ کا استقبال کرتے ہیں۔‘‘
2 جی صارفین کو راغب کرنے کے لیے، کمپنی نے 2018 میں جیو فون بھی لانچ کیا تھا۔ جیو فون آج بھی 13 کروڑ سے زیادہ صارفین کی پسند ہے۔ کمپنی کو ’’ جیو بھارت V2‘ ‘ سے بھی یہی توقعات ہیں۔ کمپنی نے 7 جولائی سے ’’ جیو بھارت V2‘ ‘ کا بیٹا ٹرائل شروع کرنے کا اعلان کیا ہے۔ کمپنی ’’ جیو بھارت V2‘ ‘ کو 6500 تحصیلوں تک لے جانے کا ارادہ رکھتی ہے۔
ملک میں بنایا گیا اور اس کا وزن صرف 71 گرام ہے اور یہ ’’ جیو بھارت V2‘ ‘ 4 جی پرکام کرتا ہے، اس میں ایچ ڈی وائس کالنگ، ایف ایم ریڈیو، 128 جی بی ایس ڈی میموری کارڈ سپورٹ جیسی خصوصیات ہیں۔ موبائل میں 4.5 سینٹی میٹر کی ٹی ایف ٹی سکریناسکرین، 0.3 میگا پکسل کیمرہ، 1000 ایم اے ایچ بیٹری، 3.5 ایم ایم ہیڈ فون جیک، طاقتور لاؤڈ اسپیکر اور ٹارچ دستیاب ہیں۔
’’ جیو بھارت V2‘ ‘ موبائل صارفین کو جیو سنیما سے سبسکرپشن کےساتھ جیو۔ ساون کے 8کروڑ گانوں کا ایکسس بھی ملے گا۔صارفین جیو۔ پے کے ذریعہ یو پی آئیپر بھی لین دین کر سکیں گے۔ ہندوستان کی کوئی بھی بڑی زبان بولنے والے صارفین آپ کی زبان میں ’’ جیو بھارت V2‘ ‘ میں کام کر سکیں گے۔ یہ موبائل 22 ہندوستانی زبانوں میں کام کر سکتا ہے۔
