یواین آئی
جموںسال روان کے پہلے تین مہینوں میں زائد از بارہ لاکھ یاتریوں نے جموں کشمیر کے ضلع ریاسی کے کٹرہ قصبے کے ترکوٹہ پہاڑی سلسلہ میں واقع شری ماتا ویشنو دیوی گھپا کی یاترا کی تاہم یاتریوں کی یہ تعداد سال گذشتہ کے پہلے تین مہینوں کی تعداد سے کافی کم ہے۔واضح رہے کہ سال گذشتہ شری ماتا ویشنو دیوی گھپا کی یاترا کرنے والوں کی تعداد 84 لاکھ کے نشانے سے تجاوز کرگئی تھی جس نے تمام سابق ریکارڑوں کو مات کیا تھا۔سرکاری ذرائع کے مطابق سال رواں کے تین مہینوں میں 12,33,088 یاتریوں نے گھپا کی یاترا کی جبکہ سال گذشتہ کے پہلے تین مہینوں میں16,85,959 یاتریوں نے گھپا کی یاترا کی تھی۔انہوں نے بتایا کہ سال رواں کے پہلے تین مہینوں میں ہی یاتریوں کی تعداد میں زائد ساڑھے چار لاکھ یاتریوں کی کمی واقع ہوئی ہے۔ذرائع نے بتایا کہ سال 2019 کے ماہ جنوری میں 50,18,80 یاتریوں، ماہ فروری میں قریب 26,9739 یاتریوں اور ماہ مارچ میں 46,23,69 یاتریوں نے گھپا کی یاترا کی جبکہ سال 2018 کے ماہ جنوری میں 5,45,945 یاتریوں، ماہ فروری میں 3,43,162 یاتریوں اور ماہ مارچ میں 7,96,852 یاتریوں نے گھپا کی کی یاترا کی تھی۔ قابل ذکر ہے کہ سال 2013 میں ایک کروڑ یاتریوں نے گھپا کی یاترا کی تھی جو ایک ریکارڑ ہے تاہم بعد ازاں سیکورٹی صورتحال اور دیگر معاملات کے پیش نظر یاتریوں کی تعداد میں بتدریج کمی واقع ہونے لگی۔
