حیدرآباد8جون (یواین آئی)شہرحیدرآباد کے آصف نگر پولیس اسٹیشن کے فیس بک پیج کو ہیک کرتے ہوئے اس پر مخرب اخلاق ویڈیوز اپ لوڈ کردی گئیں۔یہ واقعہ کل شب پیش آیاجس کے ساتھ ہی فوری طورپر سائبرکرائم اسٹیشن کو اس خصوص میں چوکس کیاگیا۔عہدیداروں کی کوششوں کے باوجود آخری اطلاعات تک ویڈیوز اس پیج پر ہی رہیں۔پولیس، اس حرکت کے پس پردہ سائبرجرائم میں ملوث افراد کے مقاصد کو معلوم کرنا چاہتی ہے اور یہ حرکت کرنے والوں کی نشاندہی کے کام میں مصروف ہے۔سائبرعہدیدار، اس پیج کو بحال کرنے اور سائبرسیکوریٹی کو مستحکم کرنے کے اقدامات میں مصروف ہیں۔
