عوام دفعہ35Aکے دفاع کیلئے ایک چٹان کی مانند کھڑی :سہراوردی
ریاست کے خصوصی درجہ کیلئے کسی بھی قربانی کیلئے تیار ہیں:سجناد شاہی
لازوال ڈیسک
بانہال//بانہال میں ایک تقریب کے دوران نیشنل کانفرنس بانہال کے کارکنان نے کہا ہے کہ عوام آرٹیکل 35Aکے دفاع کیلئے ایک چٹان کی مانند کھڑی ہوگی ۔اس موقع پر سابق وزیرخالد نجیب سہر وردی اور ضلع صدر نیشنل کانفرنس رام بن سجاد شاہین نے اپنے خیالات کا اظہار کرتے ہوئے کہا کہ ریاست کے خصوصی درجہ کیلئے کسی بھی قربانی کیلئے تیار ہیںانہوں نے مزید کہا کہ اس خصوصی درجہ میں کمزوری کی وجہ سے ریاست کے تمام طبقات اپنے حقوق سے دو چار ہونگے ۔سہر وردی نے بھاجپا پر سخت تشویش کا اظہار کرتے ہوئے بھاجپا کو خبردار کیا ہے کہ ریاست کے اس خساس مسئلہ پر عوام کو مذہبی بنیادوں پر تقسیم کرنا بند کیا جائے ۔انہوں نے کہا ہے کہ دفعہ 35اے کی منسوخی سے ریاست الگ تھلگ نظر آئے گی جبکہ دیگر کئی ریاستیں خصوصی درجات سے سرفراز کی گئی ہیں ۔تقریب میںسجاد شاہین نے اپنے خیالات کا اظہار کرتے ہوئے کہا کہ آرٹیکل 35Aکو کمزور کرنے سے صرف ایک خطہ نہیں بلکہ پوری ریاست کی عوام کیلئے زیاں کار ثابت ہوگا۔اس موقع پر کانگریس کارکن منظور احمد ملک،عبدالعزیز پی ڈی پی کارکن،جاوید احمد بھاجپا کارکن و دیگران نے نیشنل کانفرنس کا دامن تھاما ۔
