پرنسپل نے ہر ی جنڈی دکھا کر روڑ کا افتتاح کیا
تنہا ایاز
پلوامہ گورنمنٹ ہائر سکینڈری سکول پکھر پورہ بڈگام کی جانب سے پٹرول پمپ کمرازی پورہ سے لیکر ہائر سکینڈری سکول پکھرپورہ تک روڑ ریس کا انعقاد کیا گیا جس میں طلباءو طالبات کی بڑی تعداد نے حصہ لیا۔لڑکوں میں واجد فیاض نے پہلی پوزیشن حاصل کی جبکہ لڑکیوں میں صبورہ ایوب نے پہلی پوزیشن حاصل کی۔ تفصیلات کے مطابق گورنمنٹ ہائر سکینڈری سکول پکھر پورہ کی جانب سے ایک روڑریس کا انعقاد کیا گیا ۔روڑ ریس پٹرول پمپ کمرازی پورہ سے شروع ہوکر ہائر سکینڈری پکھر پورہ میں اختتام پزیر ہوئی۔ نمائندے کے مطابق روڑ ریس میں طلبا و طالبات کی بڑی تعدا د نے شرکت کی ۔ پہلے لڑکوں کی جانب سے اس روڑ ریس کی شروعات ہوئی جس میں دسویں جماعت کے طالب علم واجد فیاض نے پہلی پوزیشن، دوسری پوزیشن نویں جماعت کے طالب علم زبیر احمد نے اور تیسری پوزیشن دسویں جماعت کے طالب علم عامر علی نے حاصل کی۔ اسی طرح لڑکیوں کی دوڑ مقابلے میں بارویں جماعت کی صبورہ ایوب نے پہلی پوزیشن لی ،دوسری پوزیشن گیارویں جماعت کی حمیرہ احد نے اور تیسری پوزیشن گیارویں جماعت کی روُمیسا مختارنے حاصل کی ۔ اس موقعے پر اساتذہ او ر عام لوگوں کی بڑی تعداد موجود تھی جب کہ اس روڑ ریس کا افتتاح گورنمنٹ ہائیر سکینڈری پکھرپورہ کے پرنسپل ہری جنڈی دکھا کر کیا۔ نمائندے تنہا ایاز کے مطابق روڑ ریس کے دوران عام لوگ تالیاں بجا کر دوڑ میں حصہ لینے طلبا و طالبات کو داد دے رہے تھے۔ ساتھ ہی ہلتھ سنٹر پکھر پورہ کی میڈیکل ٹیم بھی اپنی خدمات انجام دے رہے تھے۔
