پروگرام کا مقصد نوجوانوں کو صحت مند زندگی کی اہمیت کے بارے میں متحرک اور حساس بنانا تھا
لازوال ڈیسک
تھنہ منڈی؍؍یوگا کے بارے میں بیداری پیدا کرنے کے لیے جی 20 پریذیڈنسی تھیم "ایک دنیا، ایک صحت” کے تحت جی ڈی سی تھنہ منڈی کے کالج کے احاطے میں فزیکل ایجوکیشن اینڈ اسپورٹس ڈیپارٹمنٹ کے زیر اہتمام ’’اوپن اسپیس یوگا‘‘سیشن کا انعقاد کیا گیا۔ اس سرگرمی کا انعقاد ڈاکٹر محمد ابراہیم ہیڈ ڈیپارٹمنٹ آف فزیکل ایجوکیشن اینڈ سپورٹس نے کالج کے پرنسپل پروفیسر (ڈاکٹر) اروق احمدکی سرپرستی میں کیا تھا۔ پروگرام کا مقصد نوجوانوں کو صحت مند زندگی کی اہمیت کے بارے میں متحرک اور حساس بنانا تھا۔ تقریباً 35 طلباء اور رضاکاروں نے حصہ لیا اور مختلف یوگا آسنوں کا مظاہرہ کیا۔ رضاکاروں نے ایک دوسرے کے ساتھ مختلف تجربات شیئر کیے اور صحت مند زندگی کے لیے اقدامات پر عمل کیا۔ کالج کے پرنسپل پروفیسر (ڈاکٹر) فاروق احمد نے اس موقع پر کہا کہ یوگا جیسی سرگرمیاں صحت اور تندرستی کا احساس پیدا کرتی ہیں اور طلباء میں نظم و ضبط اور خود انحصاری کا احساس بھی پیدا کرتی ہیں۔ سیشن کے دوران ڈاکٹر اطہر عزیز رینا (ایچ او ڈی میتھس)، اسلامک اسٹڈیز سے وحید احمد، ڈاکٹر ظہیر عباس ایچ او ڈی فارسی، زبیر احمد ایچ او ڈی کشمیری موجود تھے۔ آصف اقبال رائنا اور مقصود نے مجموعی اجلاس میں معاونت کی۔
