امن و امان کے پیش نظر کئی مسائل پر ہوا تبادلہ خیال
سید نیاز شاہ
پونچھ// ایس ایس پی پونچھ رمیش انگرال نے یہاںپونچھ کے صحافیوں کے ساتھ ایک تعارفی اجلاس منعقد کیا جس میں ضلع پونچھ کی صحافی برادری نے شمولیت کی اس موقع امن و امان کے پیش نظر کئی امور پر تبادلہ خیال ہوا ۔وہیں ایس ایس پی موصوف نے کہا کہ پونچھ کی صحافی برادری ضلع میں اچھا کام کر رہی ہے اور سبھی میڈیا پرسن کا پولیس انتظامیہ کے ساتھ بہتر تال میل بھی ہے جس کیلئے میں آپ کو مبارکباد پیش کرتا ہوں اورامید بھی رکھتا ہوں کہ آئندہ بھی یہ سلسلہ جاری رہے گا انہوں نے کہا کہ میڈیا کو آزادانہ طور پر کام کرنے کی آزادی ہے مگر اس میں کسی کے جذبات کو ٹھیس نہ پہنچے اس بات کا مکمل خیال رکھنا ضروری ہے اب جبکہ پارلیمانی انتخابات آنے والے ہیں تو اس انتخابی موسم میں بھی ہمیں آپ سے اچھے تال میل کی توقع ہے ۔وہیں اجلاس میں این ایس تلوار، پردیپ کھنا ، محتشم احتشام، رمیش بالی، شہزاد بٹ، نیاز شاہ ،اعجاز الحق بخاری، عشرت بٹ، ظہیر عباس، وسیم حیدری و دیگران میڈیا سے وابستہ حضرات نے شمولیت کی۔
