نوشہرہ میں ایک فوجی پورٹر زخمی،علاقے میں خوف کاعالم
یواین آئی
جموںجموں کشمیر کے ضلع راجوری کے نوشہرہ علاقے میں لائن آف کنٹرول پر جمعہ کے روز ہندوستان اور پاکستانی کی افواج کے درمیان گولہ باری کے نتیجے میں ایک فوجی پورٹر زخمی ہوا۔سرکاری ذرائع کے مطابق راجوری کے نوشہرہ علاقے میں لائن آف کنڑول پر جمعہ کی صبح ہند۔پاک افواج کے درمیان گولہ باری کے تبادلے کے نتیجے میں ایک فوجی پورٹر زخمی ہوا۔مضروب پورٹر کی شناخت سرجیت کمار ولد اشوک کمار ساکن دینگ کلال نوشہرہ کے بطور ہوئی ہے۔انہوں نے بتایا کہ سرجیت کلال نوشہرہ سیکٹر میں ایل او سی پر ایک چوکی پر بحیثیت پورٹر تعینات تھا۔انہوں نے کہا کہ سرجیت فی لاوقت ایک فوجی ہسپتال میں زیر علاج ہے۔
