عوام نے جنگلات اراضی پر قبضہ کرنے والوں کے خلاف کاروئی کی مانگ کی
سید نیاز شاہ
پونچھ//پونچھ کے بچیاں والی مقام پر محکمہ جنگلات کے ملازمین کی ملی بھگت سے سبز سونا کی بے دریغ کٹائی ہو رہی ہے ۔اس سلسلہ میں معروف احمد چوہان نامی ایک مقامی باشندے نے کہاجنگلات ہماری زندگی ہے اور اسے بچانے کےلئے ہمیں اپنے رویوں میں تبدیلی لانا ہو گی ورنہ آنے والے دنوں میں ان کے بھیانک نتائج سے ہم خود کو بچا نہیں پائیں گے۔انہوں نے کہا کہ بچیاں والی میں جنگلات کا تیزی سے خاتمہ ایک انتہائی اہم اور سنگین معاملہ ہے کیونکہ جنگلات کی تباہی کروانے میں محکمہ کا پوراتعاون ہے انہوں نے ریاستی گورنر سے اپیل کی کہ اس معاملہ کی تحقیقات کروائی جائے اور محکمہ کے خلاف نوٹس جاری کیا جائے۔
