یواین آئی
نئی دہلیفضائیہ کا ایک مگ۔21بائسن جنگی طیارہ آج راجستھان میں بیکانیر کے نزدیک نال میں حادثہ کا شکار ہوگیا لیکن قسمت سے پائلٹ وقت رہتے پیراشوٹ کی مدد سے بحفاظت بچ کرنکلنے میں کامیاب رہا۔ فضائیہ کے ترجمان کے مطابق مگ۔21جنگی طیارہ نے جمعہ کی دوپہر کو نال اے ئرفورس فوجی اڈے سے معمول کے مشن کی پرواز پر تھا لیکن یہ کچھ دیر بعد ہی حادثہ کا شکار ہوگیا ۔ طیارہ میں گڑبڑی کا پتہ چلتے ہی پائلٹ نے پیراشوٹ کی مدد سے چھلانگ لگا دی۔ ترجمان نے بتایا کہ پائلٹ محفوظ ہے ۔ حادثہ کی وجہ کا اب تک پتہ نہیں چل سکا ہے ۔ مزید تفصیلات کا انتظار کیا جارہا ہے ۔ حادثہ کی جانچ کی ہدایت دے دی گئی ہے ۔ فضائیہ کے ونگ کمانڈر ابھینندن ورتمان نے گزشتہ 27فروری کو ہندستانی فضائی حدود کی خلاف ورزی کرکے فوجی ٹھکانوں کو نشانہ بنانے آئے پاکستان کے ایف ۔16جنگی طیارے کو مگ۔21سے ہی مار گرایا تھا۔ فضائیہ کے ترجمان نے بتایا کہ ابتدائی خبر میں پتہ چلا ہے کہ جمعہ کو نال کے نزدیک غالباََ َ مگ۔21کے ایک پرندے سے ٹکرانے کی وجہ سے یہ حادثہ ہوا۔ کبھی فضائیہ کی ریڑھ کی ہڈی رہے مگ۔21طیارے اب کافی پرانے ہوگئے ہیں اور انہیں آہستہ آہستہ جنگی طیاروں کے بیڑے سے باہر کیا جارہا ہے ۔ کچھ ۔طیاروں کو ضرورت کے مطابق جدید بھی بنایا جارہاہے ۔
