11,190 کروڑ روپے کی آمدنی درج کی۰منافع 11 فیصد اور آمدنی آٹھ فیصد زیادہ
یواین آئی
نئی دہلی؍؍مرکزی حکومت کی ایک مہارتن کمپنی پاور گرڈ کارپوریشن آف انڈیا لمیٹڈ (پاور گرڈ) نے رواں مالی سال میں 30 ستمبر کو ختم ہونے والی سہ ماہی میں مجموعی بنیاد پر 3,650 کروڑ روپے کا خالص منافع درج کیا ہے۔اس مدت کے دوران کمپنی کی مجموعی آمدنی 11,349 کروڑ روپے رہی۔ کمپنی کی آمدنی اور خالص منافع میں سال بہ سال کی بنیاد پر آٹھ فیصد اضافہ ریکارڈ کیا گیا ہے۔ہفتہ کو پاور گرڈ کی طرف سے جاری کردہ ایک ریلیز میں بتایا گیا ہے کہ دوسری سہ ماہی میں سنگل بنیاد پر کمپنی نے بالترتیب 9 فیصد اور 7 فیصد کا اضافہ درج کرتے ہوئے 3,651 کروڑ روپے کا خالص منافع اور 11,190 کروڑ روپے کی آمدنی درج کی ہے۔ پاور گرڈ نے اپریل تا ستمبر 2022-23 کے پہلے چھ مہینوں کے لیے مجموعی بنیاد پر 7,451 روپے کا مجموعی خالص منافع رپورٹ کیا ہے۔ اس مدت کے دوران اس کی مجموعی آمدنی 22,518 کروڑ روپے رہی۔ ایک سال پہلے کے اسی چھ ماہ کے مقابلے میں کمپنی کا منافع 11 فیصد اور آمدنی آٹھ فیصد زیادہ ہے۔پہلی ششماہی میں اسٹینڈ سنگل بنیاد پر کمپنی کا خالص منافع اور آمدنی بالترتیب 7,417 کروڑ روپے اور 22,207 کروڑ روپے رہی۔ یہ ایک سال پہلے کے مقابلے میں بالترتیب 12 فیصد اور سات فیصد زیادہ ہے۔کمپنی نے مالی سال کی پہلی ششماہی میں مجموعی بنیادوں پر 3,219 کروڑ روپے کا سرمایہ خرچ کیا۔ 30 ستمبر 2022 تک کمپنی کے مجموعی فکسڈ اثاثے 2,67,256 کروڑ روپے کے برابر تھے۔پاور گرڈ کے بورڈ آف ڈائریکٹرز نے 10 روپے کی قیمت کے ہر ایکویٹی شیئر پر 5.00 روپے فی شیئر عبوری ڈیویڈنڈ کا اعلان کیا ہے۔
