لازوال ڈیسک
سرینگر؍؍آج جموں و کشمیر وقف بورڈ جے کے یو ٹی کے چیئرپرسن ڈاکٹر درخشاں اندرابی نے راج بھون سری نگر میں مرکزی وزیر داخلہ امیت شاہ سے ملاقات کی اور جموں و کشمیر کے لوگوں کی فلاح و بہبود کے کئی مسائل پر تبادلہ خیال کیا۔ ڈاکٹر اندرابی نے جموں و کشمیر میں وقف بورڈ کی طرف سے اٹھائے گئے اصلاحی اقدامات کے بارے میں پریزنٹیشن دی جس کی وزیر داخلہ نے تعریف کی۔ انہوں نے ڈاکٹر اندرابی کو UT میں صوفی مزارات کو ہموار کرنے اور ترقی دینے کے لیے حکومت کی طرف سے تمام درکار مدد کا یقین دلایا۔ عوامی بہبود کے لیے وقف اثاثوں کو پیداواری اکائیوں میں تبدیل کرنے کی پالیسی کو مسٹر شاہ نے سراہا۔
