واردات میں ملوث خاص ملزم کی گھریلو ملازم کے بطور شناخت: اے ڈی جی پی جموں
اُدھم پور کے جنگلی علاقوں کو سیکورٹی فورسز نے محاصرے میں لیا
یواین آئی
جموں :جموں و کشمیر کے ادھید والا علاقے میں پیر کی رات دیر گئے ڈائریکٹر جنرل کے عہدے کے ایک پولیس افسر کا مشتبہ حالات میں قتل کر دیا گیا۔پولیس ذرائع نے بتایا کہ ڈائرکٹر جنرل آف پولیس (ڈی جی پی) جیل ہیمنت کمار لوہیا گجنسو علاقے کے ادھید والا میں اپنے دوست کے گھر پراسرار حالات میں مردہ پائے گئے۔پولیس ذرائع کا کہنا ہے کہ جسم پر زخموں کے نشانات بھی ہیں اور ابتدائی طور پر یہ قتل معلوم ہوتا ہے۔جموں کے ایڈیشنل ڈائریکٹر جنرل پولیس مکیش سنگھ نے بتایا کہ جموں و کشمیر جیل کے ڈائریکٹر جنرل ہیمنت لوہیا کی لاش مشکوک حالات میں ملی ہے۔انہوں نے کہا کہ ابتدائی تفتیش میں یہ مشتبہ قتل کا معاملہ معلوم ہوتا ہے۔ انہوں نے کہا کہ گھریلو ملازمہ مفرور ہے۔اس کی تلاش شروع کر دی گئی ہے۔ فرانسک ٹیم اور کرائم ٹیم نے موقع پر پہنچ کر تفتیش شروع کر دی۔ہیمنت کمار لوہیا کے گھریلو ملازم یاسر کو تلاش کرنے کی خاطر مرکزی ایجنسیاں بھی کام میں جٹ گئی ہیں۔معلوم ہوا ہے کہ سیکورٹی ایجنسیوں کو پتہ چلا ہے کہ گھریلو ملازم ادھم پور کے جنگلی علاقے میں چھپا بیٹھا ہے جس کو ڈھونڈ نکالنے کی خاطر جنگل کو پوری طرح سے سیل کیا گیا۔یو این آئی اردو کو معلوم ہوا ہے کہ ڈائریکٹر جیل خانہ جات ہیمنت کمار لوہیا کے گھریلو ملازم کی آخری فون لوکیشن ا±دھم پور کے جنگلی علاقے میں ملی ہے جس کے بعد پولیس ، فوج اور سی آر پی ایف کی متعدد ٹیموں نے پہاڑی علاقے کو محاصرے میں لے لیا۔ذرائع نے بتایا کہ گھریلو ملازم کو ڈھونڈ نکالنے کی خاطر ڈرون کیمروں اور کھوجی کتوں کو کام پر لگا دیا گیا۔ذرائع کا کہنا ہے کہ ابھی تک گھریلو ملازم کے بارے میں سیکورٹی ایجنسیوں کو کچھ پتہ نہیں چلا ہے۔پولیس ذرائع نے بتایا کہ آخری فون لوکیشن ادھم پور کے پہاڑی علاقے میں ملی ہے لہذا سیکورٹی فورسز نے جنگلی علاقے میں تلاشی آپریشن شروع کیا۔پولیس نے جموں و کشمیر کے ڈائریکٹر جنرل جیل خانہ جات ہیمنت کمار لوہیا کی موت میں ملی ٹنسی کے زاویے کو فی الوقت خارج از امکان قرار دیتے ہوئے کہا ہے کہ اس واردات میں گھریلو ملازم کے خاص ملازم کے طور پر شناخت ہوئی ہے۔بتادیں کہ پولیس ذرائع کے مطابق موصوف ڈائریکٹر جنرل جیل خانہ جات کو پیر کی رات کو جموں کے مضافاتی علاقہ گجنسو اودھے والا میں اپنے دوست کی رہائش گاہ پر پر اسرار حالت میں مردہ پایا گیا تھا۔انہوں نے کہا کہ ان کا گلا کٹا ہوا تھا اور جسم پر جلنے کے نشانات بھی تھے۔ایڈیشنل ڈائریکٹر جنرل ا?ف پولیس جموں مکیش سنگھ نے اپنے ایک بیان میں کہا کہ اس واردات میں ملوث خاص ملزم کی شناخت معلوم ہوئی ہے اور وہ متوفی کا گھریلو ملازم یاسر احمد ساکن رام بن ہے۔انہوں نے بیان میں کہا: ’ کچھ سی سی ٹی وی فوٹیجز میں دیکھا جا سکتا ہے کہ مشتبہ ملزم جرم کے ارتکاب کے بعد جائے واردات سے فرار ہوجاتا ہے‘۔ان کا کہنا تھا: ’وہ (گھریلو ملازم) اس گھر میں گذشتہ قریب چھ ماہ سے کام کر رہا تھا اور ابتدائی تحقیقات سے معلوم ہوا ہے کہ وہ کافی جارح اور شرارتی تھا اور ذرائع کے مطابق ڈپریشن کا بھی شکار تھا‘۔موصوف اے ڈی جی پی نے کہا کہ ابتدائی تحقیقات کے مطابق فی الوقت اس واردات میں ملی ٹنسی سے متعلق کوئی زاویہ نظر نہیں ا?یا ہے تاہم اس ضمن میں مکمل تحقیقات جاری ہیں۔انہوں نے کہا کہ جرم کے ارتکاب کے لئے استعمال کیا جانے والا ہتھیار ضبط کیا گیا ہے اور اس کے علاوہ کچھ ایسی ڈاکیومنٹری ثبوت بھی ملے ہیں جس سے اس کی ذہنی حالت منعکس ہوجاتی ہے۔پولیس نے مشتبہ ملزم کی تصویروں کی بھی تشہیر کی ہے اور عوام سے اس کو تلاش کرنے میں مدد طلب کی ہے۔لوہیا کو سنسنی خیز طریقے سے قتل کرنے کے بعد ا±س کے گھر یلو ملزم کی بڑے پیمانے پر تلاش شروع کی گئی ہے۔بتادیں کہ ابتدائی تحقیقات کے دوران گھریلو ملازم کا نام سامنے آیا ہے جس کی تلاش شروع کی گئی۔یو این آئی اردو کو معلوم ہوا ہے کہ جموں میں ڈی جی جیل خانہ جات ہیمنت کمار لوہیا کو گھر کے اندر ہی قتل کرنے کا معاملہ سامنے آنے کے بعد سیکورٹی اور خفیہ ایجنسیوں میں ہلچل مچ گئی ہے۔پولیس ذرائع کے مطابق ڈی جی جیل خانہ کو قتل کرنے کے بعد ا±س کا گھریلو ملازم یاسر ساکن رام بن فرار ہو گیا جس کی تلاش میں کئی ایجنسیاں جٹ گئی ہے۔ا±ن کے مطابق متعدد سیکورٹی اور خفیہ ایجنسیوں نے یاسر کی تلاش کے لئے کئی ٹیموں کو لگا دیا۔ذرائع کے مطابق رام بن اور ا±دھم پور میں رات بھر تلاشی آپریشن جاری رہا تاہم ابھی تک گھریلو ملازم کے بارے میں کوئی اتہ پتہ نہیں چل سکا ہے۔
