لازوال ڈیسک
جموں// ڈائریکٹوریٹ آف ہیلتھ سروسز جموں نے آج یہاں گورنمنٹ اسپتال گاندھی نگر میں مونکی پوکس اور سیو لائف جموں پہل پر ایک روزہ سینسیٹائزیشن ورکشاپ کا انعقاد کیا۔یہ ورکشاپ ڈاکٹروں، پیرامیڈیکس اور ہیلتھ ایڈمنسٹریٹرز کو مونکی پوکس کی تیاری اور انتظام کے بارے میں تازہ ترین رہنما اصولوں کے بارے میں آگاہ کرنے کے لیے منعقد کی گئی تھی۔ وہیںایپیڈیمولوجی پر ایک تفصیلی پاورپوائنٹ پریزنٹیشن اور مانکی پوکس کا جائزہ، طبی خصوصیات اور انتظام کے ساتھ ساتھ نمونے جمع کرنے اور نقل و حمل کے بارے میں مختلف مقررین نے پیش کی۔اس ورکشاپ میں بتایا گیا کہ دنیا بھر میں مانکی پوکس کے 41358 کیسز کی تصدیق ہو چکی ہے۔ ہندوستان میں صرف 10 کیسز، کیرالہ اور دہلی میں ہر ایک میں 5 کی تصدیق ہوئی ہے۔واضح رہے سیو لائف انیشیٹوز ڈائریکٹوریٹ آف ہیلتھ سروسز جموں کا ایک نیا تصور ہے، جہاں ڈسٹرکٹ ہسپتال کے ایمرجنسی روم میں کمیونٹی ہیلتھ سینٹرز اور چند پرائمری ہیلتھ سینٹرز سڑکوں پر ٹریفک حادثات، سانپ کے کاٹنے جیسی تمام قسم کی طبی ایمرجنسیوں کو سنبھالنے کے لیے مضبوط اور لیس ہیں۔ واضح رہے ورکشاپ کا افتتاح ڈاکٹر سلیم الرحمٰن، ڈائریکٹر جنرل اور ڈائریکٹر ہیلتھ سروسز جموں نے کیا۔
