بی جے پی کا سرشرم سے جھک جانا چاہئے :کانگریس
یواین آئی
نئی دہلیکانگریس نے جمعہ کے روز کہا کہ بھارتیہ جنتا پارٹی (بی جے پی) کی سابق ترجمان نوپور شرما کے بارے میں سپریم کورٹ نے جو تبصرہ کیا ہے اسے دیکھتے ہوئے حکمراں پارٹی کا سر شرم سے جھک جانا چاہئے۔پیغمبر اسلام پر نازیبا تبصرے کرنے والی حکمران بی جے پی کی سابق متنازع ترجمان نوپور شرما کی سپریم کورٹ نے سخت سرزنش کی ہے جس پرکانگریس کے جنرل سکریٹری جے رام رمیش نے ردعمل ظاہر کرتے ہوئے کہا کہ ملک کی عدالت عظمیٰ نے جو باتیں بی جے پی کی ترجمان کے لئے کہیں ہیں اس سے بی جے پی کا اصل شہرہ بے نقاب ہوگیا ہے۔بی جے پی کو اس آئینے میں اپنا چہرہ دیکھنا چاہئے اور پھر شرم سے سر جھکانا چاہئے۔کانگریس لیڈر نے محترمہ شرما پر سپریم کورٹ کے تبصرے کو "اہم اور دور رس” قرار دیا اور کہا کہ ملک کے لوگوں کے غصے کی وجہ سے گھناو¿نے جرائم کیے جا رہے ہیں۔ عدالت نے کہا کہ ادے پور واقعہ بھی اسی غصے کا نتیجہ تھا۔ عدالت نے ملک میں لگی آگ کے لیے بی جے پی کی سابق ترجمان کے بیان کو ذمہ دار ٹھہراتے ہوئے کہا کہ اس کے لیے انہیں پورے ملک سے معافی مانگنی چاہیے۔عدالت نے کہا کہ محترمہ شرما کے بیان سے ملک کا ماحول خراب ہوا ہے، اس لیے انہیں ٹی وی پر جا کر پورے ملک سے معافی مانگنی چاہیے۔ ان کے غیر ذمہ دارانہ بیان سے ماحول خراب ہوا ہے اور ملک کی بدنامی ہوئی ہے۔ ملک میں جو کچھ ہو رہا ہے اس کی ذمہ دار وہ ہی ہیں۔ انہوں نے اپنے بیان سے ملک کی سلامتی کے لیے خطرہ پیدا کر دیا ہے۔ جب بی جے پی کی سابق متنازع ترجمان کے وکیل نے کہا کہ انہوں نے اپنے بیان پر معافی مانگ لی ہے اور انہوں نے اسے واپس لے لیا ہے تو عدالت نے کہا کہ معافی مانگنے میں بہت دیر ہو چکی ہے۔
