ماجد چوہدری
پونچھ مرکزی زیر انتظام جموں و کشمیر کے سرحدی ضلع پونچھ کی تحصیل مینڈھر کے علاقے میں جمعہ کو ایک ٹپر کے حادثے کا شکار ہونے سے دو افراد ہلاک ہو گئے۔ ایک اطلاع کے مطابق جمعہ کے روز مینڈھر سے پونچھ جاتے ہوئے ٹپر زیرِ نمبر (JK12B-1569) نابنا میجر موڑ سلنائی کے قریب پہنچ کر ایک کھائی میں جا گرا جس کے نتیجے میں ایک 28 سالہ شخص جاوید احمد ولد محمد رفیق ساکنہ درہ دولیاں تحصیل حویلی ضلع پونچھ کی موقع پر ہی موت ہو گئی جبکہ دوسرا شخص افراز احمد نامی (گاڑی کا ڈرائیور) ولد جہانگیر خان ساکنہ پلیاں شدید زخمی ہوگیا تھا جس کو سنگین حالت میں ڈسٹرکٹ ہسپتال پونچھ منتقل کیا گیا جہاں وہ زخموں کی تاب نہ لاتے ہوئے چل بسا۔مینڈھر پولیس نے حادثے اور اس میں ہونے والی ہلاکتوں کی تصدیق کی اور انہوں نے کہا کہ مقدمہ درج کر کے مزید تحقیقات کی جا رہی ہیں۔
