جونیئر کمیشنڈ آفیسر از جان ، دو دیگر زخمی
یواین آئی
جموں؍؍جموں وکشمیر کے ضلع پونچھ کے منکوٹ سیکٹر میں بدھ کے روز فوجی گاڑی کو حادثہ پیش آیا جس کے نتیجے میں جونیئر کمیشنڈ آفیسر کی موقع پر ہی موت واقع ہوئی جبکہ دو دیگر شدید طورپر زخمی ہوئے ہیں۔سرکاری ذرائع نے بتایا کہ پونچھ کے منکوٹ سیکٹر میں فوجی گاڑی ڈرائیور کے قابو سے باہر ہو کر گہری کھائی میں جاگری جس کے نتیجے میں اْس میں سوار جونیئر کمیشنڈ آفیسر سمیت تین اہلکار زخمی ہوئے۔انہوں نے بتایا کہ زخمیوں کو علاج ومعالجہ کی خاطر فوری طورپر نزدیکی ہسپتال منتقل کیا گیا تاہم وہاں پر موجود ڈاکٹروں نے جونیئر کمیشنڈ آفیسر کومردہ قرار دیا۔حادثے میں از جان ہوئے جونیئر کمیشنڈ آفیسر کی شناخت ڈی این پانڈے کے بطور ہوئی ہے۔انہوں نے زخمیوں کی پہچان نائیک جگدلے اوروجے کمار کے بطور کی ہے۔پولیس نے حادثے کی تصدیق کرتے ہوئے بتایا کہ معاملے کی نسبت کیس درج کرکے تحقیقات شروع کی گئی ہے۔
