ترقیوں میں ریزرویشن کا مسئلہ تمام قانونی اور آئینی پشت پناہی کے باوجود حل طلب رہا:پروفیسر جی ایل تھاپا
لازوال ڈیسک
جموں؍؍ریزروڈ کیٹیگریز کے سماجی مذہبی گروپوں، ریٹائرڈ فورم، سرپنچوں/پنچوں، یو ایل بی کے ممبران اور بی ڈی سی کے بہت سے چیئرپرسنز نے مشترکہ پریس کانفرنس سے بات کرتے ہوئے جموں و کشمیر حکومت کے ایس سی ایس ٹی او بی سی کو بے وقوف بنانے پر حکومت اور اس کے عہدیداروں پر شدید تنقید کیا۔س موقع پر ایس سی ایس ٹی او بی سی کی جوائنٹ ایکشن کمیٹی نے 28 مارچ کو پرامن مہاریلی کا اعلان کیا۔انہوں نے مزید کہا کہ جموں و کشمیر میں ایس سی ایس ٹی او بی سی کی جدوجہد کے 07 سال سے زیادہ گزرنے کے باوجود حکومت کی طرف سے ان کے حقیقی مطالبات کے لیے دباؤ ڈالنے کے لیے کوئی توجہ نہیں دی گئی۔انہوں نے کہا کہ جموں و کشمیر کے ایس سی ایس ٹی او بی سی نے گزشتہ سات سالوں میں جموں و کشمیر حکومت کے تقریباً تمام سابقہ وزیر اعلیٰ، گورنرز، ایل جیز، مشیروں اور انتظامی سیکرٹریوں سے ملاقات کی ہے اور ان سے درخواست کی ہے کہ وہ جموں و کشمیر میں ایس سی ایس ٹی او بی سی کے لیے آئینی دفعات کو عملی جامہ پہنائیں لیکن کوئی فائدہ نہیں ہوا۔ ایک طرف جموں و کشمیر کی بیوروکریسی اور پبلک سروس کمیشن سمیت بھرتی کرنے والی ایجنسیوں نے سپر باس کے طور پر کام کیا اور دوسری طرف سیاست دان اور گورنرز/ ایل جیز بے اختیار بیوروکریسی کے ہاتھوں بے بس نظر آتے ہیں۔ انہوں نے کہا کہ ترقیوں میں ریزرویشن کا مسئلہ تمام قانونی اور آئینی پشت پناہی کے باوجود حل طلب رہا، ایس سی ایس ٹی ایٹروسٹیز ایکٹ زمینی طور پر نافذ نہیں ہوا، منڈل کمیشن کی رپورٹ جھوٹے وعدوں کے باوجود لاگو نہیں ہوئی، جموں و کشمیر میں ایس ٹی کی حیثیت کو کمزور کرنے کی بھرپور کوشش کی جا رہی ہے، ایس سی اجزاء کے منصوبے، آرٹیکل 370 کی منسوخی کے بعد ایس سی او بی سی سے ریاستی زمینیں چھیننے کی کوشش، ایس سی ایس ٹی اسکالرشپس کی سستی اور کم تقسیم، بالمیکی برادریوں کو لالی پاپ اور اسی طرح ایس سی ایس ٹی او بی سی کے چند واضح حقوق ہیں جن کو انتہائی حسابی طریقے سے مارا جا رہا ہے۔اس موقع کئی معززین نے ایس سی، ایس ٹی اور او بی سی کے مطالبات کا ازالہ کرنے کیلئے زور دار مطالبہ کیا۔
