کے سی سی آئی نے ساتویںکوریا-انڈیا دوستی کوئز مقابلہ کا اعلان کیا، جموں و کشمیر کے اسکولی طلباء بھی اس مقابلے میں حصہ لے سکتے ہیں
لازوال ڈیسک
جموں؍؍ کورین کلچرل سنٹر انڈیا نے آج سے 15 اپریل تک ساتویں کوریا-انڈیا فرینڈشپ کوئز مقابلے کے لیے رجسٹریشن کا آغاز کیا۔وہیں پین انڈیا کے اسکول اس سب سے بڑے کوئز مقابلے میں حصہ لے سکتے ہیں۔ اس تقریب کا مقصد اسکولی طلباء میں کوریا اور اس کے متنوع پہلوؤں کے بارے میں بیداری پھیلانا ہے، جس سے ملک، اس کے لوگوں اور ہندوستان کے ساتھ اس کے باہمی تعامل کو کئی برسوں میں زیادہ سے زیادہ سمجھا جائے۔واضح رہے اس مقابلے میں حصہ لینے کے لیے طلباء کو www.koreaindiaquiz2022.com پر رجسٹر کرنا ہوگا۔تاہم اس مقابلے کے پہلے فاتح کو 2 لاکھ روپے کا نقد انعام دیا جائے گا، رنر اپ کو 1.5 لاکھ روپے اور دوسرے رنر اپ (تیسرے رینک) کو 1 لاکھ روپے کا انعام دیا جائے گا۔ اس سے بڑھ کر تمام 10 زونل چیمپئن 10,000 روپے ہر ایک کے ساتھ اعزازی سرٹیفکیٹ اور 2 سال کے لیے KCCI رکنیت حاصل کریں گے۔وہیںمقابلہ کوریا کے معاشرے اور ثقافت، روایات، تاریخ، فن، فن تعمیر، فطرت، جنگلی حیات، جغرافیہ، سیاحت اور سفر کے مقامات، کھانوں، ورثے، زبان، کھیل، سائنس تکنیکی اختراعات، سفارت کاری اور بہت کچھ سے متعلق ہر قسم کے علم پر توجہ مرکوز کرے گا۔ تقریب کو تین حصوں میں تقسیم کیا جائے گا۔ پہلا آن لائن راؤنڈ جو آج سے 15 اپریل تک منعقد ہوگا ویب لنک کے ذریعے رجسٹریشن کے بعد طلباء اپنے مناسب وقت کے مطابق کوئز دے سکتے ہیں، آخر میں طالب علم کو الیکٹرانک شرکت کا سرٹیفکیٹ دیا جائے گا۔ دوسرے راؤنڈ میں، پین انڈیا کو 5 زونوں میں تقسیم کیا جائے گا- شمالی، جنوبی، مغربی، مشرقی اور وسطی زون، مقابلہ 27 اپریل سے 29 اپریل تک ہر زون کے لیے الگ الگ طے شدہ تاریخوں پر منعقد ہوگا۔دوسرے راؤنڈ کے ذریعے منتخب ہونے والے ہر زون کے فاتحین کا فائنل آمنے سامنے مقابلہ 12 مئی کو دہلی ایونٹ کے مقام پر گرینڈ فائنل میں ہوگا۔ فائنل مقابلے میںکئی اہم شخصیار شامل ہونگی۔
