لازوال ویب ڈیسک
سری نگر// سیکورٹی فورسز نے جنوبی کشمیر کے ضلع پلوامہ کے ڈانگر پورہ میں ایک ملی ٹنٹ معاون کو گرفتار کرکے اس کی تحویل سے اسلحہ وگولہ باورد بر آمد کیا ہے۔
https://www.uniurdu.com/newspage
گرفتار شدہ کی شناخت سجاد احمد ڈار کے طور پر ہوئی ہے۔
پلوامہ پولیس نے ’ایکس‘ پر ایک پوسٹ کے ذریعے جانکاری فراہم کرتے ہوئے کہا: ’پلوامہ پولیس، فوج کی 55 آر آر اور سی آر پی ایف کی182 بٹالین کی ایک ٹیم نے ہفتے کو ڈانگر پورہ میں حزب المجاہدین سے وابستہ ایک ملی ٹینٹ معاون کو گرفتار کیا ہے‘۔
انہوں نے گرفتار شدہ کی شناخت سجاد احمد ڈار کے طور پر کی ہے۔
پوسٹ میں کہا گیا کہ گرفتار شدہ کے انکشاف پر اسلحہ و گولہ بارود بر آمد کیا گیا جس میں ایک پستول، 12 گولیاں اور 2 گرینیڈ شامل ہیں۔
پولیس نے اپنے اس پوسٹ میں مزید کہا: ’قبل ازیں دانش بشیر آہنگر نامی ایک ملی ٹنٹ معاون کو 29 اکتوبر کو گرفتار کیا گیا تھا جس نے مزید ضبطیوں میں مدد کی تھی‘۔
