مولانا سجاد نعمانی، ظفر سریش والا اور دیگر معزز مہمانان کی آمد متوقع
(اِقبال باغبان)
سولاپور : – گلوبل ایجوکیشنل اینڈ ہیلتھ آرگنائزیشن اور ایشین سینٹر فار سوشل اسٹڈیز کی جانب سے ماہنامہ گل بوٹے ممبئی کے اشتراک سے سولاپور شہر کے قریب ایشین مائناریٹیز یونیورسٹی کے قیام کا منصوبہ بنایا گیا ہے۔ 3، نومبر 2024 کو اس یونیورسٹی کے سنگ بنیاد کی تقریب کا انعقاد کیا گیا ہے۔
https://pubmed.ncbi.nlm.nih.gov/22830323/
اس موقع پر یونیورسٹی پروجیکٹ کے چیف پروموٹر آصف اقبال نے ایک پریس کانفرنس میں بتایا کہ اقلیتوں کے تعلیمی مسائل کے حل کے لیے "اقلیتی تعلیمی اشتراک کانفرنس 2024″ کا انعقاد کیا گیا ہے ۔ پچھلے کئی سالوں سے اقلیتی طبقہ میں تعلیم کی حالت دن بدن سنگین ہوتی جارہی ہے۔ چائلڈ لیبر، اسکول سے باہر بچوں کی تعداد بڑھ رہی ہے۔ سہولیات کے فقدان کی وجہ سے اعلیٰ تعلیم حاصل کرنے والے طلباء کی تعداد کم ہو رہی ہے۔ یہ تمام مسائل اقلیتوں کے پس منظر میں ہیں۔ ایشین مائناریٹیز یونیورسٹی کا قیام تعلیمی ترقی کے مقصد کو مدنظر رکھتے ہوئے کیا گیا ہے۔
اس یونیورسٹی کی سمت اور ضرورت کو واضح کرنے کے لیے 3 نومبر کو سولاپور شہر میں اس تعلیمی کانفرس رکھی گئی ہے ۔کانفرنس کے افتتاح کے موقع پر پدم شری ڈاکٹر ظہیر قاضی، مسلم پرسنل لاء بورڈ کے سیکریٹری مولانا عمرین محفوظ رحمانی، سابق چانسلر چانسلر ظفر سریش والا، ناگپور یونیورسٹی کے سابق وائس چانسلر ایس. این. پٹھان، سولاپور یونیورسٹی کے سابق وائس چانسلر این۔این مالدار، اجمیر درگاہ ٹرسٹ کے چیئرمین سید سرور چشتی، سمیر صدیقی، مبارک کاپڑی ، ڈاکٹر۔ عین الحسن، ڈاکٹر افسر عالم، محمد عتیق احمد، ڈاکٹر۔ عبدالقدیر،حسن چوگلے، امیر علی خان، پروفیسر ڈاکٹر۔ غضنفر علی، علی ایم شمسی، شاہ عالم رسول، ایس۔ این پٹھان، مشتاق انتولے، اقبال میمن، محمد علی پاٹنکر، محبوب کاسار ، ڈاکٹر۔ شاہد کھوت، عامر ادریسی، اقبال شیخ، عامر انصاری، ڈاکٹر۔ انجم قادری، مفتی زین العابدین، خالد سیف الدین موجود رہیں گے۔
یونیورسٹی کا سنگ بنیاد رکھنے کی تقریب صبح 8 بجے ولسنگ گاوں میں ہوگی۔ اس کے بعد سولاپور کے ہیریٹیج لان میں صبح 10 بجے کانفرنس کی شروعات ہوگی۔ کانفرنس تین سیشنز میں منعقد ہوگی۔” جدید تعلیم کی ضروریات اور ہماری ذمہ داری” پر پہلا سیشن صبح 11 بجے شروع ہوگا۔ اس سیشن میں علی گڑھ یونیورسٹی کے پروفیسر سعود عالم قاسمی، محمود صدیقی، خالد سیف الدین رہنمائی کریں گے۔ اس کے بعد 30.2 بجے "مسلم تعلیمی اداروں کے مسائل اور حل” پر ایک سیمینار ہوگا۔ اس سیشن کی رہنمائی شاہ عالم رسول، خالد سیف الدین کریں گے۔ شام 6 بجے جلسہ عام کا انعقاد کیا جائے گا۔
مولانا آزاد یونیورسٹی جودھپور کے بانی عتیق احمد اس جلسہ عام کے صدر ہوں گے۔ ماہرین تعلیم مبارک کاپڑی ، سمیر صدیقی تعلیمی موضوع پر عوام سے خطاب کریں گے۔آصف اقبال، سرفراز احمد، فاروق سید، ڈاکٹر قاسم امام اور ذمہ داران نے اس تاریخی تعلیمی کانفرنس میں شرکت کی گزارش کی ہے۔
