حفظان صحت، غذائیت، باقاعدگی سے جسمانی سرگرمی اور بیماریوں کا جلد پتہ لگانے جیسے اہم موضوعات پر ہوا تبادلہ خیال
لازوال ڈیسک
ریاسی؍؍ہندوستانی فوج نے حال ہی میں ضلع ریاسی کے بالمت کوٹ کے مقامی باشندوں کے لیے صحت کے اچھے طریقوں پر ایک معلوماتی بیداری لیکچر کا اہتمام کیا۔ اس اقدام کا مقصد صحت کے شعور کو فروغ دینا اور کمیونٹی کو احتیاطی صحت کی دیکھ بھال کی اہمیت کے بارے میں آگاہ کرنا ہے۔ اس تقریب میں حفظان صحت، غذائیت، باقاعدگی سے جسمانی سرگرمی اور بیماریوں کا جلد پتہ لگانے جیسے اہم موضوعات پر توجہ مرکوز کی گئی۔وہیں متوازن خوراک کو برقرار رکھنے، صفائی کے مناسب طریقوں اور عام بیماریوں سے بچنے کے
لیے باقاعدہ طبی معائنہ کی ضرورت پر زور دیا گیا۔
https://joinindianarmy.nic.in/
اس موقع پر ذہنی صحت اور تندرستی کی اہمیت پر خصوصی توجہ دی گئی۔تاہم آگاہی لیکچر میں بزرگوں، نوجوانوں اور خواتین کی فعال شرکت دیکھی گئی، جنہوں نے سیشن کے دوران شیئر کی گئی قیمتی معلومات کے لیے تعریف کی۔ اس طرح کے پروگراموں کے ذریعے بیداری پیدا کرنے اور مقامی کمیونٹیز کو بااختیار بنانے کی ہندوستانی فوج کی کوشش خطے میں صحت عامہ کو بڑھانے کے لیے اس کے وسیع تر اقدام کا حصہ ہے۔یاد رہے آپریشن سدبھاونا کے ذریعے، ہندوستانی فوج جموں اور کشمیر کے لوگوں کے معیار زندگی کو بہتر بنانے کے لیے تعلیم، صحت کی دیکھ بھال، اور بنیادی ڈھانچے کی ترقی سمیت متعدد فلاحی سرگرمیاں کرنے کے لیے پرعزم ہے۔
