حکومت کی نوجوان مخالف پالیسی کی وجہ سے ملک میں ملازمتوں کی کمی ہے: کھڑگے
یواین آئی
نئی دہلی؍؍کانگریس صدر ملک ارجن کھڑگے نے ہفتہ کو کہا کہ مودی حکومت کی پالیسیاں نوجوان مخالف ہیں جس کی وجہ سے کمپنیوں میں روزگار کے مواقع کم ہوئے ہیں اور لاکھوں نوجوان مٹھی بھر سرکاری ملازمتوں کے لئے درخواست دے رہے ہیں۔
مسٹر کھڑگے نے آج یہاں کہا کہ بیمہ وغیرہ جیسے شعبوں میں ملازمتوں میں کافی کمی آئی ہے۔ سال 2022-23 میں 375 کمپنیوں میں 3.45 لاکھ ملازمتیں کم ہوئی ہیں اور اس کی وجہ سے ملک میں بے روزگاری میں تیزی سے اضافہ ہوا ہے۔ چین کو سرخ آنکھیں دکھانے کی بجائے مودی سرکار ‘چینی کمپنیوں’ کے لیے سرخ قالین بچھا رہی ہے اور ملک میں نوجوانوں کے لیے نوکریوں کی کمی ہے۔
انہوں نے کہا "مودی حکومت کی نوجوان مخالف پالیسیوں کی وجہ سے ملک میں نوکریوں کا قحط ہے۔ بینک آف بڑودہ کی تازہ رپورٹ بتاتی ہے کہ صرف 2022-23 میں 375 کمپنیوں میں 2.43 لاکھ نوکریاں کم ہوئی ہیں۔ ہمارے لاکھوں نوجوان نوکریوں کی تلاش میں بھٹک رہے ہیں۔
کانگریس صدر نے کہا "بہار میں کانسٹیبل کی بھرتی کا امتحان چل رہا ہے، جس میں 18 لاکھ امیدواروں نے صرف 21 ہزار خالی آسامیوں کے لیے درخواست دی ہے۔ پچھلے امتحان کا پیپر چار دن پہلے لیک ہوا تھا، جس کی وجہ سے امتحان کو دوبارہ شیڈول کیا گیا تھا”۔ 26 ریاستوں کے 6.30 لاکھ نوجوانوں نے صرف جولائی تک 60 ہزار کانسٹیبلوں کی بھرتی کے لیے درخواست دی ہے، "نوکریوں میں کمی آئی ہے، جس سے ہندوستان کے نوجوانوں کو کافی نقصان پہنچا ہے۔”
مسٹر کھڑگے نے کہا "بینکنگ، فنانس، انشورنس، مہمان نوازی – تمام شعبوں میں نوکریاں کم ہو گئی ہیں، اس کے علاوہ مودی حکومت چین کو ‘سرخ آنکھ’ نہیں دکھانے جا رہی ہے بلکہ اس کے لیے ‘سرخ قالین’ بچھانے والی ہے۔ چینی کمپنیوں کی سرمایہ کاری مودی حکومت نے غلط طریقہ کار کا استعمال کرتے ہوئے کروڑوں نوکریاں دینے کے جھوٹے دعوے کیے، مودی سرکار نے گزشتہ کئی برسوں سے مختلف آبادیوں کے ڈیٹا سیٹس کا استعمال کیا۔ ملازموں کی مردم شماری کا تناسب غلط تھا اور دیہی اور شہری آبادی کی ترقی کو یکساں تصور کیا گیا تھا، جس کی وجہ سے زیادہ تخمینہ لگایا گیا تھا۔
انہوں نے کہا کہ ملازمتوں کے حوالے سے حکومت کی طرف سے دیے گئے اعداد و شمار میں تضاد پایا گیا ہے۔ مسٹر کھڑگے نے کہا "اب یہ بات مشہور ہے کہ ‘بغیر معاوضہ مزدوری’ اور ‘ہر ہفتے ایک گھنٹہ کام’ کو بھی روزگار کے زمرے میں شمار کیا گیا ہے۔ ہندوستان کے مایوس اور بے روزگار نوجوان اب مودی حکومت کے ان جھوٹے ہتھکنڈوں کو سمجھ چکے ہیں۔ آنے والے ریاستی انتخابات میں بھارتیہ جنتا پارٹی ( بی جے پی) کو یقینی طور پر اس کا خمیازہ بھگینا پڑے گا۔
