سرکاری ا سکولوں کو بہتر کر کے پرائیویٹ ا سکولوں کی اجارہ داری ختم کریں: شیو سینا
لازوال ڈیسک
جموں// شیوسینا (یو بی ٹی) جموںکشمیر یونٹ نے پرائیویٹ اسکولوں، کتابوں اور یونیفارم بیچنے والوں کے گٹھ جوڑ کے ذریعے کی جارہی لوٹ مار کو روکنے اور سرکاری اسکولوں میں تعلیم اور سہولیات کی سطح کو بہتر بنانے کے لیے سخت اقدامات کرنے کا مطالبہ کیا ہے۔وہیںپارٹی کے ریاستی مرکزی دفتر کے ریاستی سربراہ منیش ساہنی اور میناکشی چھبر نے مشترکہ طور پر میڈیا سے خطاب کیا۔ساہنی نے کہا کہ ہر سال تعلیمی سیشن کے آغاز کے ساتھ ہی پرائیویٹ سکولوں، کتابوں اور یونیفارم بیچنے والوں کا گٹھ جوڑ انتظامی احکامات کی دھجیاں اڑاتے ہوئے سرگرم ہو جاتا ہے۔وہیں میناکشی چھبر نے کہا کہ طلباء اور والدین کی بہت سی شکایات کے بعد انتظامیہ اپنی کمبھاکرن جیسی نیند سے بیدار ہوتی ہے، کچھ کتاب اور یونیفارم بیچنے والوں کے خلاف کارروائی کرتی ہے اور رسمی کارروائیوں کو پورا کرنے کے لیے تحقیقاتی اور شکایتی سیل بناتی ہے اور یہ سلسلہ ہر سال جاری رہتا ہے۔
انہوں نے کہا کہ ایسے اسکولوں کے خلاف سخت کارروائی کی جائے جو طلبہ پر این سی ای آر ٹی کے علاوہ کتابیں خریدنے کے لیے دباؤ ڈال رہے ہیں، فیس فکسیشن کمیٹی کی منظوری کے بغیر سالانہ اور ماہانہ فیس وصول کررہے ہیں اور کتاب بیچنے والوں کے ساتھ اس لوٹ مار کو انجام دے رہے ہیں، اور سخت کارروائی کی جائے۔ تسلیم کینسل کیا جائے اور سرکاری سکولوں میں تعلیم کی سطح اور سہولیات کو بہتر کرنے کا مطالبہ کیا جائے۔ اس موقع پر ساہنی نے 14 اپریل کو ہندوستانی آئین کے معمار بابا صاحب بھیم راؤ امبیڈکر کے یوم پیدائش کے ساتھ ساتھ ہم وطنوں کو بیساکھی کے تہوار کی بہت بہت مبارکباد دی۔ اس موقع پر نائب صدر سنجیو کوہلی اور صدر کامگار راج سنگھ بھی موجود تھے۔
