بی جے پی جموں نارتھ کی طرف سے این سی کے خلاف احتجاج کی قیادت کی
لازوال ڈیسک
جموں؍؍جموںو کشمیربی جے پی کے صدر ست شرما نے کہا کہ این سی نے مقدس ایوان کے تقدس سے سمجھوتہ کیا ہے ۔انہوں نے آرٹیکل 370 کو بحال کرنے کی قرارداد کی منظوری کے خلاف احتجاج کیا۔بی جے پی ضلع جموں نارتھ کی جانب سے این سی حکومت کے خلاف احتجاجی مظاہرہ کیا گیا، جس میں پارٹی لیڈروں نے این سی حکومت کے خلاف نعرے لگائے اور اپنے غصے کا اظہار کرنے کے لیے پتلا جلایا۔وہیںاحتجاج میں اومی کھجوریا، ضلع صدر، ونے گپتا، سہ پربھاری، راجندر سنگھ چب، وکاس چودھری، منڈل صدور، سابق سرپنچ، ضلعی ٹیم اور پارٹی کے دیگر قائدین موجود تھے۔
https://jkbjp.in/
اس موقع پرصدر ست شرما نے کہا کہ حکمراں این سی حکومت نے بل کی منظوری میں غیر جمہوری طریقہ اپناتے ہوئے مقدس ایوان کے تقدس سے سمجھوتہ کیا ہے۔ انہوں نے کہا کہ کل اسمبلی میں جو کچھ ہوا، وہ پاکستان اور ملک دشمن لوگوں کو خوش کرنے اور جموں و کشمیر کے لوگوں کو گمراہ کرنے کے لیے کیا گیا۔انہوںنے کہاکہ یہ کانگریس اور نیشنل کانفرنس کا ملک دشمن ایجنڈا ہے۔انہوںنے مزیدکہاکہ شیخ عبداللہ سے لے کر عمر عبداللہ تک جذباتی بلیک میلنگ نیشنل کانفرنس کا معمول ہے۔
انہوںنے کہا کہ جموں و کشمیر طویل عرصے سے دفعہ 370 اور 35A کے سیاہ سائے سے باہر آچکا ہے۔جموںو کشمیر کو ترقی کی راہ پر گامزن کیا ہے لیکن کانگریس، نیشنل کانفرنس، اور پی ڈی پی – یہ سبھی وادی کشمیر میں جو امن آیا ہے اس سے پریشان ہیں۔ یہ جموں و کشمیر میں دہشت گردی اور علیحدگی پسندی کے سیاہ دور کو واپس لانا چاہتے ہیں۔شرما نے کہاکہ ہماری حکومت نے جموں و کشمیر کو اسمبلی دینے اور انتخابات کرانے کا وعدہ کیا تھا، صرف 5 سال کے اندر مودی حکومت نے انتخابات کرائے اور جمہوری عمل کو بحال کیااور ہم مستقبل میں بھی جموں و کشمیر کی ترقی کے لیے کام کریں گے۔
