راہل گاندھی نے کہا ’یہ انصاف اور امید کی حکومت ہے‘
لازوال ڈیسک
سرینگر: عمر عبداللہ نے جموں و کشمیر کے نئے وزیر اعلیٰ کے طور پر حلف اٹھایا۔ تقریب میں INDIA اتحاد کے سینئر رہنما شریک ہوئے۔ راہل گاندھی نے نئی حکومت کو عوام کے حقوق کے تحفظ کی ضامن قرار دیا۔
جموں و کشمیر کے سیاسی منظر نامے میں ایک نیا باب اس وقت کھلا جب نیشنل کانفرنس کے رہنما عمر عبداللہ نے آج ریاست کے وزیر اعلیٰ کے عہدے کا حلف اٹھایا۔ یہ تقریب سری نگر میں منعقد ہوئی جس میں INDIA اتحاد کے سینئر رہنماؤں نے شرکت کی۔ اس موقع پر راہل گاندھی، پرینکا گاندھی ، ملک ارجن کھڑگےبھی موجود تھے۔
تقریب کے بعد، راہل گاندھی نے ایک ٹویٹ میں نئی حکومت کو انصاف، امید اور خوشحالی کی علامت قرار دیا۔ انہوں نے کہا کہ "یہ جموں و کشمیر کے لوگوں کی حکومت ہے، جو ریاستی اسمبلی سے لے کر دہلی تک ہر شہری کے حق اور انصاف کے لیے لڑے گی”۔
جموں و کشمیر میں یہ نئی حکومت عوام کے لیے بہت سی توقعات لے کر آئی ہے۔ عوامی حلقے امید کر رہے ہیں کہ نئی حکومت صوبے کے دیرینہ مسائل، بشمول ترقیاتی منصوبے، روزگار، اور امن و امان کے مسائل کو ترجیحی بنیادوں پر حل کرے گی۔
اس تقریب میں INDIA اتحاد کے کئی اہم رہنماؤں نے شرکت کی اور انہوں نے عمر عبداللہ کو مبارکباد پیش کی۔
