کہاعوام کے درمیان غیر ضروری کنفیوژن اور بداعتمادی پیدا کرنے کے لیے ہیں
نئی دہلی؍؍بی جے پی کے قومی جنرل سیکریٹری ترون چْگ نے آج سابق جموں و کشمیر کے وزیر اعلیٰ عمر عبداللہ کو عوام کو گمراہ کرنے اور ان کے درمیان زہر پھیلانے کا الزام لگاتے ہوئے سخت تنقید کا نشانہ بنایا۔ترون چْگ نے عمر عبداللہ کی جانب سے جموں و کشمیر اسمبلی میں کاروباری قواعد سے متعلق دعووں پر رد عمل دیتے ہوئے کہا کہ جموں و کشمیر کے لیفٹیننٹ گورنر کا عہدہ آئینی ہے اور ملک کی ہر سیاسی جماعت کا فرض ہے کہ وہ اس عہدے کا احترام کرے۔
https://jkbjp.in/
انہوں نے کہا کہ وزارت داخلہ نے اس معاملے کو بالکل واضح کر دیا ہے کہ بزنس قواعد میں ترمیم کا کوئی منصوبہ زیر غور نہیں ہے۔ موجودہ قواعد 2019 کے جموں و کشمیر تنظیم نو ایکٹ کے تحت تیار کیے گئے تھے اور 2020 میں باقاعدہ قانون سازی کے عمل کے بعد نوٹیفائی کیے گئے تھے۔ عمر عبداللہ کے دعوے بے بنیاد ہیں۔ یہ قواعد ایک مؤثر حکومتی نظام کو یقینی بنانے کے لیے بنائے گئے تھے تاکہ جمہوری اقدار کا احترام ہو۔ اس کے برعکس کیے گئے دعوے محض افواہیں ہیں اور عوام کے درمیان غیر ضروری کنفیوژن اور بداعتمادی پیدا کرنے کے لیے ہیں۔
ترون چْگ نے عمر عبداللہ کے گمراہ کن ٹویٹ کو ان کی جانب سے مسلسل غلط معلومات پھیلانے کا حصہ قرار دیتے ہوئے کہا کہ عمر عبداللہ کو جموں و کشمیر کی حکمرانی سے متعلق معاملات پر ذمہ دارانہ گفتگو کرنی چاہیے اور ایسے مکالمے میں شامل ہونا چاہیے جو اعتماد اور شفافیت کو فروغ دے۔
ترون چْگ نے کہا کہ عمر عبداللہ کو غلط معلومات پھیلانے سے گریز کرنا چاہیے اور انہیں ایسے تعمیری مکالمے پر توجہ دینی چاہیے جو جموں و کشمیر کے عوام کے لیے مفید ہو۔ ہماری جمہوری عمل اور خطے کی فلاح و بہبود کے لیے وابستگی غیر متزلزل ہے۔ ہمارے اقدامات ہمیشہ خطے میں استحکام، ترقی اور ہم آہنگی کو فروغ دینے کی طرف گامزن ہیں، جب کہ عمر عبداللہ صرف کنفیوژن پیدا کرتے ہیں اور جموں و کشمیر کے عوام کی بھلائی کی پرواہ کیے بغیر موقع پرستی کی سیاست کرتے ہیں۔ انتخابات میں شکست کا خوف انہیں ایسے بے بنیاد بیانات دینے پر مجبور کر رہا ہے۔
ترون چْگ نے کہا، ’’مجھے یقین ہے کہ جموں و کشمیر کے عوام وزیر اعظم مودی کی امن، ترقی اور جمہوریت کی بحالی کے لیے کی گئی کوششوں پر مکمل اعتماد رکھتے ہیں اور یہ اعتماد شاندار ووٹنگ کے نمبروں سے ظاہر ہوتا ہے۔ مجھے پورا یقین ہے کہ عوام بی جے پی کے حق میں اپنا فیصلہ دیں گے۔‘‘
