جان محمد

جموں؍؍جموں و کشمیر نیشنل کانفرنس (این سی)نے اسمبلی انتخابات کے لیے اپنی دوسری فہرست جاری کر دی ہے، جس میں مختلف اہم حلقوں کے لیے امیدواروں کے ناموں کا اعلان کیا گیا ہے۔ پارٹی کے صدر کی منظوری کے بعد اس فہرست کو جاری کیا گیا ہے، جس میں جموں و کشمیر کے مختلف اضلاع سے تعلق رکھنے والے سینئر اور نوجوان لیڈروں کو نمائندگی دی گئی ہے۔

فہرست کے مطابق، کنگن (ایس ٹی) حلقے سے میاں مہر علی کو امیدوار نامزد کیا گیا ہے جورکن پارلیمان میاں الطاف احمد کے فرزند ہیں، جبکہ گاندربل کے اہم حلقے سے پارٹی کے سینئر رہنما عمر عبداللہ کو میدان میں اتارا گیا ہے،عمرعبداللہ نے پہلے وزیراعلیٰ کے اختیارات محدودکئے جانے اورایل جی کوبااختیاربنانے کے الزامات عائد کرتے ہوئے چنائو لڑنے سے انکار کیاتھا تاہم دھیرے دھیرے انکایہ غصہ نرم پڑگیاہے اورفی الحال اُنہوں نے چنائولڑنے کافیصلہ کرلیاہے۔

حضرت بل اورخانیاراسمبلی حلقوں سے نیشنل کانفرنس کے باپ ۔پیٹے کی جوڑی پربھروسہ جتایاہے کیونکہ حضرت بل سے  سلمان علی ساگر، اور خانیار سے علی محمد ساگر این سی کے امیدوار ہوں گے۔

پارٹی نے ایک مرتبہ پھرخاتون رہنماشمیمہ فردوس کوحبہ کدل حلقے سے انتخابات میں اُتاراہے جبکہ لال چوک سے احسن پردیسی پارٹی کے امیدوار ہوں گے۔

چنداپورہ سے مشتاق گرو کو نامزد کیا گیا ہے، اور زڈی بل حلقے سے تانویراحمد صادق این سی کے امیدوار ہوں گے۔ عیدگاہ حلقے سے سابق وزیر مبارک گل بھی این سی کی نمائندگی کریں گے۔اسی طرح، بڈگام ضلع کے خان صاحب حلقے سے سیف الدین بھٹ، چرارشریف سے عبدالرحیم راتھر، اور چاڈورہ سے علی محمد ڈار کو نامزد کیا گیا ہے۔

علاوہ ازیں،صوبہ جموں سے پارٹی نے گلاب گڑھ (ایس ٹی) حلقے سے انجینئر خورشید، کالا کوٹ/سندر بنی سے یشو وردھن سنگھ، نوشہرہ سے سریندر چودھری، اور بدھل (ایس ٹی) سے جاوید چودھری کو امیدوار نامزد کیا ہے۔

ضلع پونچھ کے حلقہ پونچھ حویلی سے اعجاز احمد جان، اور منڈھر (ایس ٹی) سے جاوید رانا کو این سی کے امیدوار کے طور پر میدان میں اتارا گیا ہے۔

کرناہ سے جاوید مرچل، تریگام سے میر سیف اللہ، کپواڑہ سے ناصر اسلم وانی (سوگامی)، اور لولاب سے قیصر جمشید لون کو پارٹی کی جانب سے نامزد کیا گیا ہے۔ چودھری محمد رمضان ہندوارہ سے، اورارشاد رسول کار سوپور سے این سی کے امیدوار ہوں گے۔

جبکہ ،این سی کی دوسری فہرست میں رفیع آباد سے جاوید احمد ڈار، اوڑی سے ڈاکٹر سجاد شفیع اوڑی، اور بارہمولہ سے جاوید حسین بیگ کو بھی شامل کیا گیا ہے۔

ٹنگمرگ سے فاروق احمد شاہ، اور پٹن سے جاوید ریاض بیدار این سی کے امیدوار ہوں گے۔

مزید برآں، سونہ واری سے ہلال اکبر لون، اور گریز (ایس ٹی) سے نذیر احمد گریزی کو بھی امیدوار نامزد کیا گیا ہے۔ آخر میں، جموں نارتھ سے اجے کمار سدھوترا این سی کے امیدوار ہوں گے۔

این سی کی اس دوسری فہرست کے اعلان کے ساتھ ہی انتخابات کی تیاریاں زور و شور سے جاری ہیں، اور دیکھنے کی بات یہ ہوگی کہ پارٹی کس طرح انتخابی میدان میں کامیابی حاصل کرتی ہے۔ اس فہرست میں شامل امیدوار جموں و کشمیر کی سیاست میں اہم کردار ادا کرنے کے لیے تیار ہیں، اور پارٹی کی کامیابی کے لیے بھرپور کوششیں کریں گے۔