ہموار، آزاد، منصفانہ، شفاف اور محفوظ انتخابی عمل کو یقینی بنانے پر تبادلہ خیال کیا
لازوال ڈیسک
رامبن؍؍ ضلع الیکشن آفیسر (ڈی ای او) رامبن، بصیر الحق چودھری نے عام انتخابات قانون ساز اسمبلی (اسمبلی) کی تیاریوں کے سلسلے میں سیکورٹی اور دیگر اہم انتظامات کا جائزہ لینے کے لیے اسمبلی حلقہ (اے سی) -55 بانہال کا ایک وسیع دورہ کیا۔اس دورے کا مقصد ایک ہموار، آزاد، منصفانہ، شفاف اور محفوظ انتخابی عمل کو یقینی بنانا تھا۔
ڈی ای او کے ساتھ سینئر سپرنٹنڈنٹ آف پولیس کلبیر سنگھ، ریٹرننگ آفیسر اے سی -55 بانہال، رضوان اصغر اور دیگر متعلقہ افسران بھی تھے۔وہیںدورے کے دوران ڈی ای او نے گورنمنٹ ماڈل ہائر سیکنڈری سکول (بوائز) بانہال میں قائم سٹرانگ روم میں انتظامات کا معائنہ کیا۔ انہوں نے افسران کو ہدایت دی کہ وہ الیکشن کمیشن آف انڈیا (ای سی آئی) کے رہنما خطوط پر عمل درآمد کو یقینی بنائیں تاکہ بغیر کسی رکاوٹ کے انتخابی عمل کو آسان بنایا جا سکے۔
اسٹرانگ روم کا معائنہ کرنے کے علاوہ ڈی ای او چودھری نے اے سی -55 بانہال کے ریٹرننگ آفیسر کے دفتر کا بھی دورہ کیا۔ انہوں نے تمام موجودہ اصولوں، ضوابط اور پروٹوکول پر عمل پیرا ہونے کی اہمیت پر زور دیا تاکہ تمام امیدواروں کو برابری کا میدان فراہم کیا جا سکے۔ڈی ای او نے سکیورٹی اور دیگر انتظامات سے متعلق مختلف مقامات کا بھی معائنہ کیا اور انتخابات کے پرامن انعقاد کے لیے فول پروف اقدامات کو یقینی بنانے کے لیے ضروری ہدایات جاری کیں۔
