بھوپال، 22 اگست (یو این آئی) مدھیہ پردیش کانگریس آج راجدھانی بھوپال میں انفورسمنٹ ڈائریکٹوریٹ (ای ڈی) کے دفتر پہنچ کر سیکورٹیز اینڈ ایکسچینج بورڈ آف انڈیا (سیبی) میں ہونے والی مبینہ بے ضابطگیوں کے خلاف میمورنڈم سونپے گی۔
ریاستی کانگریس کے نائب صدر اور تنظیم کے انچارج راجیو سنگھ نے کہا کہ کانگریس آج ای ڈی کے دفتر جائے گی اور راجدھانی بھوپال میں ضلع کانگریس کی طرف سے منعقدہ احتجاج کے حصہ کے طور پر ایک میمورنڈم پیش کرے گی۔ اس دوران کانگریس کے کارکن کانگریس جنرل سکریٹری اور مدھیہ پردیش کے انچارج بھنور جتیندر سنگھ، ریاستی کانگریس صدر جیتو پٹواری، اسمبلی میں اپوزیشن لیڈر امنگ سنگھار سمیت سینئر لیڈروں کی قیادت میں پیدل مارچ کریں گے۔
مسٹر سنگھ نے کہا کہ کانگریس لیڈر سیبی کی بے قاعدگیوں کے خلاف ای ڈی کے دفتر کے سامنے زبردست مظاہرہ کریں گے اور اس کے بعد ای ڈی ڈائرکٹر کو میمورنڈم پیش کیا جائے گا۔
