پاکستان کی عدالت عظمیٰ نے عمر قید کی سزا کی مدت کا تعین کرنے سے متعلق کیس کی سماعت روک دی ہے۔
سماعت کے دوران چیف جسٹس آف پاکستان جسٹس آصف سعید کھوسہ نے اپنے ریمارکس میں کہا کہ جیل مینوئل کی بنیاد پر ضابطہ فوجداری میں ترمیم نہیں کی جا سکتی۔
سیالکوٹ سے تعلق رکھنے والے ملزم ہارون الرشید کے وکیل ذوالفقار ملوکا کی درخواست پر چیف جسٹس کی سربراہی میں سات رکنی لارجر بینچ نے سماعت کی۔
ملزم کی جانب سے دو مختلف جرائم کی سزاؤں کو ایک ساتھ کاٹنے کی اجازت کے لیے درخواست دائر کی گئی تھی تاہم عدالت نے عمر قید کی سزا کی مدت 25 سال ہونے کا نوٹس لیتے ہوئے قانونی نکتے کی تشریح کرنے کا فیصلہ کیا تھا۔
