کہا پچیس کے وی کا ٹرانسفارمر ہے، بجلی کم ہوتی ہے،طلاب اور عوام پریشان
لازوال ڈیسک
بٹوتایم سی بٹوت کے کونسلر شارخ بھٹی کی قیادت میں ایک وفد نے ایکس ای این محکمہ بجلی سے ملاقات کی اور انہیں پنچائت بیرون وارڈ نمبر دو نزد بگو نالا میں ٹرانسفارمر اپگریڈ کرنے کی اپیل کی ۔وہیں شارخ بھٹی کی قیادت میں وفد نے کہا کہ علاقہ میں 25کے وی کا ٹرانسفارمر ہے جس کی وجہ سے بجلی کم ہوتی ہے جبکہ علاقہ میں چوری کی واردات کے خطرات بھی رہتے ہیںاور طلاب کو پڑھائی کے سلسلے میں بھی کئی طرح کی مشکلات در پیش ہیں۔اس موقع پر متعلقہ محکمہ کے ایکس ای این نے وفد کو یقین دہانی کروائی کہ ان کے مسائل کا ازالہ کیا جائے گا ۔اس موقع پر عرفان، مجید ، عطا اللہ خان اور ندیم موجود تھے۔
