ضلع راجوری کے تین طلباء کے سروں پر دستار سجائی گئی
قیوم نظامی
کوٹرنکہ // ہندوستان کی عظیم عربی یونیورسٹی جامعہ اشرفیہ مبارک پور اعظم گڑھ یوپی میں سینکڑوں طلباءکے سروں پر دستار بندی کا تاج سجایا گیا اس موقعہ پر ضلع راجوری کے تین طلباءکے سروں پر دستار سجائی گئی ۔تفصیلات کے مطابق ہندوستان کی عظیم عربی یونیورسٹی جامعہ اشرفیہ مبارک پور اعظم گڑھ یوپی میں حافظ ملت علیہ الرحمة کے عرس پاک کے حسین موقعہ پر جشن دستار بندی کا بھی اہتمام کیا گیا جہاں ہندوستان کی مشہور شخصیات میں حضرت علامہ مولانا مفتی نظام الدین رضوی پرنسپل جامعہ اشرفیہ مبارک پور، حضرت علامہ مولانا محمد احمد مصباحی، ناظم تعلیمات جامعہ اشرفیہ مبارک پور ،مولانا نفیس اختر مصباحی ،مولاناناظم علی مصباحی کے علاوہ بیرون ملک کے جید علماءکرام کی موجودگی میں سینکڑوں طلباءکو دستار سے نواز گیا ۔وہیں ریاست جموں وکشمیر کے پانچ طلباء جن میں سے سرحدی ضلع راجوری کے تین طلباءمولانا محمد حنیف مصباحی دلوٹ راجوری، مولانا محمد شاہویز خان .نگروٹہ راجوری، مولانا طبیر حسین کرہڈ راجوری کے سروں پر دستار فضیلت کا تاج رکھا گیا ۔اس حسین موقعہ پر ریاست جموں وکشمیر کی مشہور شخصیات میںسے حضرت علامہ مولاناداو¿ودی کشمیری، علامہ مولانا مفتی محمد اسلم مصباحی، حافظ محمد نصیرالدین اور ریاست کے دیگر علماءکرام ومفتیان عظام موجود تھے واضح رہے کہ یہ پہلا موقعہ ہے کہ ضلع راجوری سے تین طلباءکو ایک ساتھ دستار فضیلت سے نوازہ گیا جبکہ ریاست جموں وکشمیر کے اس سے قبل مشہور عربی یونیورسٹی جامع اشرفیہ مبارک پور اعظم گڑھ سے سب سے پہلے فراغت حاصل کرنے والے بھی ضلع راجوری کے جید عالم حضرت علامہ مولانا مفتی غلام محی الدین مصباحی تھے جو اس وقت دینی خدمات انجام دے رہے ۔
