کہاجموں و کشمیر نے ایک تجربہ کار، عوامی جذبہ رکھنے والے اور سرشار سیاست دان کو کھو دیا
لازوال ڈیسک
جموں ؍؍بی جے پی کے سینئر لیڈر مسٹر دیویندر سنگھ رانا نے آج پونچھ کے سابق ایم ایل سی مسٹر یشپال شرما کے انتقال پر گہرے رنج و غم کا اظہار کرتے ہوئے کہا کہ ان کے انتقال سے عوامی زندگی میں ایک خلا پیدا ہوا ہے۔مسٹر رانا نے کہا کہ "جب کہ جموں و کشمیر نے ایک تجربہ کار، عوامی جذبہ رکھنے والے اور سرشار سیاست دان کو کھو دیا ہے، پونچھ نے اپنے پیارے، قابل احترام اور وسیع دل لیڈر کو کھو دیا ہے جس نے عوامی خدمت کو ہر چیز سے بالاتر رکھا”، مسٹر رانا نے کہا اور سوگوار خاندان سے تعزیت کی۔اپنے پیغام میں مسٹر رانا نے کہا کہ مسٹر یشپال شرما عوام کے ایک بہت ہی شریف اور عاجز آدمی تھے، جن کی موت جموں و کشمیر کے لیے بہت بڑا نقصان ہے۔ انہوں نے مرحوم کی روح کے لیے سکون اور خاندان کے سوگوار ارکان اور ان کے خیر خواہوں کی بڑی تعداد کو اس ناقابل تلافی نقصان کو برداشت کرنے کی طاقت کے لیے دعا کی۔
