پرنسپل ڈاکٹر کلوندر کور کی سرپرستی اور این ایس ایس نوڈل آفیسر ڈاکٹر شبھرا جموال کی رہنمائی میں ورچوئل موڈ میں ہوئی تقریب
لازوال ڈیسک
جموں؍؍گورنمنٹ کالج آف ایجوکیشن (جی سی او ای) جموں کے این ایس ایس یونٹ نے نیتا جی سبھاش چندر بوس کی 125 ویں یوم پیدائش منائی اور ان کے بے مثال جذبے اور قوم کے لیے بے لوث خدمات کو یاد کیا۔یہ جشن کالج کے پرنسپل ڈاکٹر کلوندر کور کی سرپرستی اور این ایس ایس نوڈل آفیسر ڈاکٹر شبھرا جموال کی رہنمائی میں ورچوئل موڈ کے ذریعے منایا گیا۔سیشن کے دوران کالج کے این سی سی رضاکاروں نے تقاریر، نظموں اور گیتوں کی صورت میں اپنے خیالات پیش کئے۔اس موقع پر خطاب کرتے ہوئے پرنسپل نے کہا کہ سبھاش چندر بوس حب الوطنی، ہمت، بے لوث خدمت، نظم و ضبط اور سادگی کے حقیقی آئیکن ہیں۔ انہوں نے مزید کہا، "طلبہ کو ان آفاقی اور ابدی اقدار کی پیروی کرنی چاہیے جن کے لیے وہ کھڑا تھا۔”پروفیسر شاپیہ شمیم بھٹی، پروفیسر سریتا ڈوگرا اور پروفیسر سیما کماری نے بھی اپنے خیالات کا اظہار کیا۔آخر میں، ایک مختصر دستاویزی فلم جس میں نیتا جی سبھاش چندر بوس کے سفر، نظریے اور ہندوستان کی جدوجہد آزادی میں شراکت کی تصویر کشی کی گئی تھی، رضاکاروں میں حب الوطنی کے جذبے کو ابھارنے کے لیے دکھائی گئی۔
