راجوری میں سڑک حادثہ19 سالہ نوجوان از جان دوسرا زخمی
وسیم احمد
بدھل؍؍ تحصیل خواص کی پنچایت حلقہ بیلا میں کریشر کے نزدیک دیر شام ایک ٹپر زیر نمبر JK11A-6087 حادثہ کا شکار ہوگیا جسمیں ڈرئیوار سمیت کل چار لوگ سوارتھے جن میں سے ڈرائیوار سمیت تین لوگ موقع پر ہی دم توڑ بیٹھے ۔وہیں ایک زخمی کو کمینوٹی ہیلتھ سنٹر خواص پہنچایا گیا جہاں اسکی حالت خطر ہ سے باہر بتائی جارہی ہے۔ مہلوکین کی شناخت وکرم سنگھ ولد شام لال ، شوکت علی ولد فتح محمد اور ستویر سنگھ کے بطور ہوئی ہے جبکہ حادثے میں زخمی ہوئے شہری کی پہچان رتن لال ولد دیو راج کے بطور ہوئی ہے۔پولیس نے معاملے کی نسبت کیس درج کرکے مزید تحقیقات شروع کی ہے۔وہیںراجوری میں پیر کے روز ایک سڑک حادثے میں موٹر سائیکل سوار از جان جبکہ دوسرا زخمی ہوگیا۔سرکاری ذرائع نے بتایا کہ راجوری میں پیر کے روز بی ایس ایف کی ایک بس اور ایک موٹر سائیکل کے درمیان ٹکر ہوگئی جس کے نتیجے میں موٹر سائیکل چلانے والا زخمی جبکہ اس کے دوسرے ساتھی کی بر سر موقع ہی موت واقع ہوگئی۔متوفی کی شناخت 19 سالہ ظہیر عباس ولد قدیر حسین ساکن چالاس جبکہ زخمی کی شناخت محمد ارشد ولد محمد اعظم کے بطور ہوئی ہے۔دریں اثنا پولیس نے اس ضمن میں ایک کیس درج کیا ہے۔
