کہا نچلی سطح پر نیشنل کانفرنس مضبوط ہو رہی ہے
لازوال ڈیسک
منڈینیشنل کانفرنس لیڈر س ٹیم منڈی کے بینر تلے یوتھ نیشنل کانفرنس کے صوبائی صدر و سابق ایم ایل اے پونچھ حویلی اعجاز جان کی قیادت میںمنڈی میں ایک اہم تقریب کا انعقاد کیا گیا جس کئی نوجوانوں اور دیگر سیاسی جماعتوں کے کارکنان نے پارٹی کا دامن تھاما۔اس موقع پر اعجاز جان نے نئے شرکاءکا پارٹی میں خیر مقدم کیا اور کہا کہ نچلی سطح پر جماعت مضبوط ہو رہی ہے ۔وہیں جان نے اظہار خیال کرتے ہوئے کہا کہ وزیر اعظم نے اپنے دورے کے دوران کوئی اعلان نہیں کیا جس سے عوام میں مایوسی ہوئی ہے کیونکہ عوام کو ان کے دورے سے کافی امیدیں تھیں۔انہوں نے کہا کہ پیر پنجال اور خطہ چناب کی عوام خصوصی طور پر بڑے اعلانات کی امید میں تھے۔جان نے مزید کہا کہ بھاجپا عوام کو جموں پونچھ ریلوے لائین کے نام پر بے وقوف بنا رہی ہے۔اس موقع پر محمد یونس، مشکور احمد، محمد یوسف، آصف لطیف، جاوید احمد، م،حمد رفیق، ظفر اقبال ، فرید احمد، فردوس نسیم، ذاکر عباس، عاشق خان و دیگران نے پارٹی کا دامن تھاما۔
