ملازمین کی ڈی پی سی پچھلے 5 سالوں سے زیر التوا ،پرموشن کے بناء کی ملازمت سے برطرفی ہوئی:سودن
لازوال ڈیسک
جموں؍؍جموں کشمیر میڈیکل ایمپلائز فیڈریشن کے صدر سشیل سودن نے صحت ملازمین کی شکایات کو اجاگر کرتے ہوئے ایک بیان میں کہا کہ صحت کے ملازمین کی ڈی پی سی کو نظر انداز کیا۔انہوں نے کہا کہ صحت کے بہت سے ملازمین کو پروموشن کا فائدہ حاصل کیے بغیر برطرف کر دیا گیا ہے۔انہوں نے کہا کہ ملازمین کی ڈی پی سی پچھلے 5 سالوں سے زیر التوا ہے۔ضلع وار دھرنے کے بعد انتظامیہ نے چھ اگست2021 کو فیڈریشن کو میز پر بلایا اور بات چیت کی کہ ڈی پی سی 15 دنوں کے اندر کرائی جائے گی۔ اب آٹھ ماہ گزرنے کے بعد بھی آج تک کوئی ٹھوس کام نہیں کیا گیا۔ انہوں نے کہا کہ گڈ گورننس محض ایک نعرہ بن کر رہ گئی ہے اور صحت کے ملازمین کے مسئلے کو حل کرنے کے لیے کچھ نہیں کر رہی، جو کووِڈ 19 وبائی امراض کے دوران سب سے آگے رہے۔وہیں جے کے ایم ای ایف نے حکومت پر زور دیا کہ وہ صحت کے ملازمین اور عوام کے بہترین مفاد میں جلد از جلد DPC کا انعقاد کرے۔انہوں نے کہا کہ اگر 30 دنوں کے اندر ڈی پی سی کا انعقاد نہ کیا گیا تو فیڈریشن پوری طاقت کے ساتھ زبردست احتجاج/کام چھوڑ ہڑتال شروع کرنے پر مجبور ہو گی۔
