عشرت وانی
بھلیسہ؍؍ضلع ڈوڈہ کی سب ڈویڑن گندو بھلیسہ کی ای ٹی آئی بھنگرو میں آگاہی پروگرام منعقد ہوا یہ پورا پروگرام پوشن ابھیان کے تحت منعقد کیا گیا تھا، اس پورے پروگرام کا اہتمام قبائلی اور ریسرچ انسٹی ٹیوٹ جموں و کشمیر نے ڈائریکٹوریٹ آف ہیلتھ، انفارمیشن اینڈ پبلک ریلیشنز، جموں و کشمیر کے اشتراک سے کیا گیا۔ نوکر ناٹک آئی ٹی آئی بھلیسہ میں منعقد کیا گیا جس میں بھلیسہ کے مختلف علاقوں سے قبائلی برادری کے بچے نے اس ڈرامے میں حصہ لیا۔ اس ڈرامے کے ذریعے پیغام دیا گیا کہ بچوں کو متوازن خوراک کیسے دی جائے اور صحت مند بچہ کیسے پیدا کیا جائے۔ بچوں نے رنگا رنگ پروگرام پیش کیے اور بچوں کی حوصلہ افزائی بھی کی گئی جس میں انہیں انعامات اور سند سے نوازا گیا ۔ اس دوران کلچرل سیل ایجوکیشن ڈیپارٹمنٹ کے ثقافتی سفیر نگہت ناز تحصیلدار بھلیسہ ارشاد احمد شیخ، بی ڈی سی چیئرمین محمد عباس راتھر، جے اینڈ کے ٹیچرز فورم کے کوآرڈینیٹر جماعت علی آگاہ، جان محمد۔ اس موقع پر ثانی، اور دیگر اساتذہ کے ساتھ محکمہ صحت کے ملازمین اور آشا کارکنان بھی موجود رہی۔ اس موقع پر بچوں نے خوشی کا اظہار کرتے ہوئے کہا کہ اس طرح کے پروگراموں سے نہ صرف ان کا جوش و جذبہ بڑھتا ہے بلکہ معاشرے کو بھی ایسی چیزیں سیکھنے کو ملتی ہیں جن کے بارے میں انہیں علم نہیں ہوتا۔
