مقامی آبادی میں خوشی کی لہر،انتظامیہ کے تئیں اِظہارِ تشکر
مشکور احمد
راجگڑھ؍؍ضلع رامبن سے دور دراز علاقہ تحصیل راجگڑھ کی عوام میں اس وقت خوشی دیکھنے کو ملی جب لوگوں نے پرائمری ہیلتھ سینٹر راجگڑھ میں ماہردندان (ڈینٹل سرجن)تعینات کیاگیاہے ۔ مقامی شخص ہلال احمد وانی نے شکریہ ادا کیا جن کی اخبار میں ہماری تحصیل راجگڑھ کے مسائل کو اجاگر کیا جاتا ہے اور موجودہ مرکزی سرکار لفٹیننٹ گورنر اور ضلع انتظامیہ رامبن تک ہماری آواز پہنچاتے ہیں ۔حال ہی میں ہفتہ پہلے ہم نے پرائیمری ہیلتھ سینٹر راجگڑھ میں ڈینٹل سرجن کو لے کر آواز بلند کی تو ضلع انتظامیہ تک ہماری آواز پہنچی تو ضلع انتظامیہ نے فوراً ایکشن لیا اور راج گڑھ پرایمری ہیلتھ سینٹر میں ڈینٹل ٹکنیشن کو بھیج دیا گیا جس کے نہ ہونے کی وجہ سے عوام کو مشکلات کا سامنا کرنا پڑتا تھا ۔انہوں نے ضلع انتظامیہ رامبن کا شکریہ ادا کیا اور مزید مطالبہ کیا کہ ابھی بہت ساری آسامیاں پرائیمری ہیلتھ سینٹر راجگڑھ میں خالی ہیں ۔انہیں بھی انتظامیہ پورا کرنے کی کوشش کریں اسکے علاوہ گائنیک ڈاکٹر ،لیب ٹیکنیشن ایم بی بی ایس سرجن وغیرہ کی بھی بہت زیادہ کمی محسوس کی جاتی ہے انکو بھی راجگڑھ بھیجا جائے ۔ انہوں نے ضلع انتظامیہ رامبن اور لفٹیننٹ گونر منوج سہنا سے گزارش کی ہے کہ وہ فوری طور پرایمری ہیلتھ سینٹر کو اپ گریڈ کرنے کیلئے فنڈز واگزار کریں کیونکہ ہمارے علاقے کے لوگ غریب ہیں یہ علاج معالجہ کیلئے دور نہیں جاسکتے ہیں اور ہماری غریب عوام کو مشکلات کا سامنا کرنا پڑتا ہے۔
