نبی پاک کی محبت کے بغیر ہماری زندگی فضول ہے:علمائے کرام
سرفرازقادری
مینڈھر؍؍سرزمین سیکھٹہ نڑول میں عید میلاد النبی ؐ کے پروگرام کا زیر سرپرستی حضرت مولانا عبد المجید زیر صدارت حضرت علامہ مولانا مفتی سلطان احمد نقشبندی امام وخطیب مرکزی جامع مسجد رضوان الایمان مینڈھر انعقاد کیاگیا ۔پروگرام میں گائوں کے معززین حضرات نے شرکت کی پروگرام کا انعقاد قرآن پاک کی تلاوت سے ہوا ۔پروگرام میں حضرت مولانا سید اعجاز حسین قادری امام وخطیب جامع مسجد ڈاک بنگلہ مینڈھر نے بہت عمدہ طریقے بیان کیا ۔پھر مقرر خصوصی حضرت علامہ مولانا سید اخیار حسین شاہ امام وخطیب دربار چھوٹے بادشاہ نے مدلل و مفصل بیان کیا۔ مولانا نے اپنے بیان کے دوران بتایا کہ نبی پاک کی محبت کے بغیر ہماری زندگی فضول ہے ہمیں جو کچھ ملا ہے ۔سب میرے نبیؐ کا صدقہ ہے ۔ اس موقع پر مولانا لیاقت حسین وارثی امام وخطیب جامع مسجد نماں، قاری اخلاق احمد قادری، شاعر اسلام مولانا قاری رفیع احمد رضوی، وکثیر تعداد میں عوام و علماء کرام نے شرکت کی ۔آخر میں مفتی محمد سلطان نقشبندی نے صدارتی خطبہ دیا مسجد کے امام مولانا عبدالمجید نے آئے ہوئے تمام علماء کرام و عوام کا شکریہ ادا کیا ۔آخر میں صلواۃ و سلام کے بعد عالم اسلام کے مسلمانوں کے لیے دعا کی گئی اور لنگر رسول تقسیم ہوا۔
