دبئی //ہندوستان کے کپتان وراٹ کوہلی نے کہا یہاں پاکستان کے خلاف ٹی 20 عالمی کپ کے اپنے پہلے مقابلے سے قبل کہا کہ پاکستان کی ٹیم میں کئی گیم چینجرہیں اورہمیں ان سے آگے رہنے کے لئے اپنے فطری گیم کے ساتھ کھیلنا ہوگا اورانہیں امید ہے کہ ہم اپنا بہترین کھیل کھیلیں گے۔
وراٹ نے ہفتہ کو یہاں میچ سے پہلے ورچوئل پریس کانفرنس میں کہا، ’’ہم کل کے میچ کے لیے پوری طرح تیار ہیں، ہم پورے اعتماد کے ساتھ میچ کھیلنے جائیں گے، حالانکہ ہم چیزوں کو ہلکے میں نہیں لے سکتے، کیونکہ پاکستان ایک مضبوط ٹیم ہے۔ آپ کو ہر بار ان کے خلاف اپنا بہترین کرکٹ کھیلنا ہوتا ہے۔ ان کے پاس ایسے کھلاڑی ہیں جو اپنے دم پر کھیل کا رخ بدل سکتے ہیں۔ ہمیں پاکستان کے خلاف اپنے بہترین گیم پلان کے ساتھ کھیلنا ہے۔ ”
ٹی 20 ورلڈ کپ کی تیاریوں کے حوالے سے وراٹ نے کہا، ’’ورلڈ کپ میں آپ کو مختلف ٹیموں کے خلاف کھیلنے کا موقع ملتا ہے، جن سے ہم پہلے نہیں کھیلے ہوتے ہیں۔ بائیو ببل کے تعلق سے کھلاڑیوں سے بات کرناضروری ہے، کیونکہ لگاتار کرکٹ کھیلنا مشکل ہوتا ہے۔
