پولیس آفسیران کی جانب شہداء کو بھرپور خراج تحسین پیش کیا گیا
لازوال ڈیسک
جموں//ضلع پولیس لائن کارگل میں ضلع پولیس کارگل کی طرف سے پولیس یادگاری دن 2021 منایا گیا ۔ وہیں اس دوران شہید ہونے والے شہداء کو بھرپور خراج تحسین پیش کیا گیا۔وہیں اس موقع پرعنایت علی چوہدری آئی پی ایس نے پولیس کے تمام شہداء کو پھولوں کی چادر چڑھائی اور دو منٹ کی خاموشی اختیار کی گئی۔ ایس پی کارگل نے پولیس یادگاری دن کی پریڈ کی سلامی لی۔وہیں تقریب کے بعد افسران ، جوانوں ، شہداء کے خاندان کے رکن ، پولیس پبلک اسکول ، کارگل کے اساتذہ اور طلباء نے پھولوں کی چادر چڑھائی اور پھول نچھاور کیے۔وہیںاس موقع پر چوہدری افتخار احمد ایڈیشنل ایس پی کارگل ،. چمبا سمستان ، ضلع آفسیران اور دیگر پولیس افسران نے تقریب میں شرکت کی۔بعد ازاں ایس پی کارگل نے دیگر پولیس افسران کے ہمراہ شہید ذوالفقار علی کی والدہ کو تحفہ پیش کیا۔
