پدر اور ناگسنی بلاکس پر مشتمل مختلف پنچایتوں کی ٹیموں نے شرکت کی
لازوال ڈیسک
کشتواڑ//گاؤں کے نوجوانوں کے کھیلوں کے ہنر کو پروان چڑھانے اور نوجوان ذہنوں کو تعمیری سرگرمیوں میں حصہ لینے کی ترغیب دینے کی کوشش کو جاری رکھتے ہوئے فوج نے یہاں ضلع کشتواڑ کے گلاب گڑھ میں پیڈر والی بال چیمپئن شپ کا انعقاد کیا۔ وہیں اس ٹورنمنٹ میں پدر اور ناگسنی بلاکس پر مشتمل مختلف پنچایتوں کی ٹیموں نے شرکت کی۔جبکہ ٹورنمنٹ کا افتتاح بھارتی فوج کے کمانڈنگ آفیسر نے کیا۔ انہوں نے تمام ٹیموں کو سامنے آنے اور ٹورنمنٹ میں حصہ لینے پر سراہا ۔ جبکہ افتتاحی میچ راجپوت رائلز اور لیگری ٹائیگرز کے درمیان کھیلا گیا۔ تقریب میں موجود حکومتی عہدیداروں اور سرپنچوں نے ان اقدامات کی تعریف کی اور اس بات کا اظہار کیا کہ بھارتی فوج کے اس طرح کے اقدامات نوجوانوں میں کھیل کود کو فروغ دینے اور انہیں منفی اثرات سے دور رکھنے میں معاون ثابت ہوں گے۔
