دوبئی،//دوبئی میں ہندوستان کے خلاف پریکٹس میچ کے دوران لیام لیونگسٹن کی انگلی زخمی ہوگئی۔ اس کے بعد اب شک پیدا ہوگیا ہہے کہ آیا وہ ہفتہ کو ٹی۔ 20 ورلڈ کپ میں ویسٹ انڈیز کے خلاف پہلے میچ میں شامل ہوں گے۔
لیونگسٹن انڈیا کے خلاف انگلینڈ کے سات وکٹوں کے نقصان کے دوران ڈیپ مڈ وکٹ پر کیچ لینے کی کوشش کرتے ہوئے زخمی ہوگئے تھے۔ دوبئی میں استعمال ہونے والی فلڈ لائٹ کی قسم دیگر بین الاقوامی میچوں میں استعمال ہونے والی روشنی سے قدرے مختلف تھی اور اس میں ہلکی سی مدھم روشنی تھی۔ شاید یہی وجہ ہے کہ لیونگسٹن اس گیند کو صحیح طریقے سے پکڑنے میں ناکام رہے۔ جیسے ہی گیند اس کی انگلی سے لگی وہ درد سے کراہ اٹھے اور سوجن اس کے بائیں ہاتھ کی چھوٹی انگلی پر دکھائی دے رہی تھی۔
چوٹ کے بعد سیم بلنگز نے میچ کے اختتام تک ان کی جگہ فیلڈنگ کی۔ انگلینڈ کی ٹیم کے ترجمان نے بتایا کہ سوجن ختم ہونے کے بعد اگلے 24 گھنٹوں میں چوٹ کا اندازہ لگایا جائے گا۔ تبھی وہ کسی نتیجے پر پہنچ سکے سکیں گے۔
زخمی ہونے سے پہلے لیونگسٹن نے وارم اپ میچ میں 2 اوورز کیے اور وراٹ کوہلی کی قیمتی وکٹ کے لیے 10 رنز دیے۔ بلے سے انہوں نے 20 گیندوں میں چار چوکوں اور ایک چھکے کی مدد سے 30 رنز بنائے۔ وہ ورلڈ کپ اسکواڈ میں انگلینڈ کے تین اسپن متبادل میں سے ایک ہیں۔ اس میچ میں وہ عام طور پر ہندوستان کے دائیں ہاتھ کے بلے بازوں کو لیگ بریک اور بائیں ہاتھ کے کھلاڑیوں کو آف بریک گیندبازی کی۔
