لکھنؤ:// وزیر اعظم نریندر مودی پانچ دنوں کےمختصر مدت میں دو بار اترپردیش کا دورہ کرتے ہوئے پوروانچل خطے کو ترقیاتی پروجکٹوں کا تحفہ دیں گے مسٹر مودی 20اکتوبر کو بین الاقوامی ائیر پورٹ کا افتتاح کریں گے جبکہ 25اکتوبر کو وہ ضلع سدھارتھ نگر سے سات نئے میڈیکل کالجوں کی سوغات اترپردیش کو دیں گے وزیر اعلی نریندر مودی کے دورے کے پیش نظر متعلقہ اضلاع میں تیاریاں شباب پر ہیں وزیر اعلی یوگی آدتیہ ناتھ خود تیاریوں پر باریک نظر رکھے ہوئے ہیں۔ اسی سلسلے میں انہوں نے اتوار کو ٹیم 9 کے ساتھ میٹنگ میں کہا کہ 20اکتوبر کشی نگر میں انٹرنیشنل ائیر پورت کا افتتاح وزیر اعظم کے ذریعہ کیا جائےگا۔عالمی اہمیت کے اس تقریب میں مختلف ممالک کے سفیر بھی شریک ہونگے۔ شری لنکا سے اسپیشل وفد تشریف لارہا ہے۔
انہوں نے افسران کو ہدایت دئیے کہ پروگرام کے پیش نظر مکمل تیاریاں کی جائیںگے۔ وزیر اعظم کے دورے کے پیش نظر 25اکتوبر کو سدھا رتھ نگر سے ریاست کے سات اضلاع میں نوین میڈیکل کالجوں کا افتتاح کیا جانا ہے۔ تقریب کے انعقاد کے ضمن میں سبھی تیاریاں وقت سے پوری کرلی جائیں۔ سدھارتھ نگر کے ساتھ ساتھ بقیہ6اضلاع میں بھی شاندار پروگرام کا انعقاد ہونا چاہئے۔
کشی نگر انٹر نیشنل ائیر پورٹ کے افتتاحی پروگرام میں آنندی بین پٹیل،وزیر اعلی یوگی آدتیہ ناتھ، شری لنکا کے صدر گوتبایا راج پکشے سمیت 25ڈیلیگیٹس و 100بدھ پیروکار بھی پہنچ رہے ہیں۔ وزیر اعطم کے پروگرام کے سلسلے میں انتظامیہ اور پولیس الرٹ ہیں۔ ضلع کی سرحدوں پر نظر رکھی جارہی ہے۔
