گوپال گنج،//ضلع میں عالمی وبا کورونا انفیکشن کو روکنے کے لیے ویکسینیشن کی جا رہی ہے۔ محکمہ صحت صد فیصد ویکسینیشن کا ہدف حاصل کرنے کے لیے نئی تکنیک اپنا رہا ہے۔ اس سلسلے میں محکمہ کے ذریعہ ضلع میں درگا پوجا کے پنڈالوں میں ویکسینیشن کے خصوصی سیشن منعقد کیے جا رہے ہیں۔ ضلع کے سب سے مشہور تھاوے مندر میں کیئر انڈیا کے اشتراک سے ایک خصوصی ویکسینیشن سنٹر شروع کیا گیا ہے۔ یہاں اب عقیدت مندلوگ اپنے آپ کو اور معاشرے کے لوگوں کو کورونا جیسی سنگین بیماری سے بچانے کے لیے ویکسین کروا سکتے ہیں۔ میلے میں آنے والے وہ لوگ جنہوں نے ابھی تک ویکسین نہیں لی ہے یا دوسری خوراک سے محروم ہیں، انہیں یہاں ویکسین دی جا رہی ہے۔
ٹیکہ سنٹر 15 مقامات پر قائم کئے گئے ہیں:مکیش کمار سنگھ، ڈی ٹی ایل، کیئر انڈیا نے بتایا کہ ضلع میں درگا پوجا کے پیش نظر 15 خصوصی ویکسینیشن مراکز شروع کیے گئے ہیں۔ جس میں ویکسین ورکر اور ویکسین کے علاوہ کیئر انڈیا کی جانب سے سارے انتظامات کیے گئے ہیں۔ ضلع کے 14 بلاکوں میں ایک ایک خصوصی حفاظتی ٹیکہ مرکز اور 2 حفاظتی ٹیکے مراکز صدر میں قائم کیے گئے ہیں۔ اس کے ساتھ پہلے سے چلنے والے ویکسینیشن مراکز میں ویکسینیشن بھی کی جا رہی ہے۔
مندر میں صبح 6 سے رات 9 بجے تک کی ویکسینیشن جائے گی:کیئر انڈیا کی فیملی پلاننگ کوآرڈینٹر امیت کمار نے بتایا کہ عقیدت مند دور دراز سے آتے ہیں، صبح سے ہی بہت رش ہوتا ہے۔ اس وجہ سے یہاں خصوصی انتظامات کیے گئے ہیں، ویکسینیشن سنٹر کو پرکشش انداز میں سجایا گیا ہے، ویکسینیشن صبح 6 بجے سے رات 9 بجے تک جاری رہتا ہے۔ لوگوں کی بڑی تعداد ویکسینیشن سنٹر میں آ رہی ہے۔
ویکسینیشن کے بعد سیلفی لی جا سکتی ہے: مندر میں قائم ویکسینیشن سنٹر میں سیلفی پوائنٹ بھی بنایا گیا ہے جس کا مقصد لوگوں کو راغب کرنا اور آگاہ کرنا ہے۔ جہاں مستحقین ویکسینیشن کے بعد سیلفی لے سکتے ہیں۔ تہواروں کے درمیان، ویکسینیشن کے خصوصی انتظامات کیے گئے ہیں تاکہ کورونا وبا کا بحران دوبارہ دستک نہ دے اورلوگوں کی خوشیوں کو گرہن نہ لگے۔ اس کے ساتھ ساتھ بینر پوسٹرز کے ذریعے ویکسینیشن کو فروغ دینے کے لیے آگاہی کا پیغام بھی دکھایا گیا ہے تاکہ زیادہ سے زیادہ لوگوں کو تحریک ملے۔ماہرین کے مطابق تیسری لہر کو روکنے کے لیے ویکسینیشن ہی ایک موثر ہتھیار ثابت ہو سکتا ہے۔
