نئی دہلی //اس وقت ملک میں کورونا کے 3،01،442 فعال معاملے ہیں اور ہندوستان میں گزشتہ 24 گھنٹوں کے دوران 29،616 نئے معاملے رپورٹ ہوئے ہیں۔
وزارت صحت کے مطابق اس وقت صحت یاب ہونے کی شرح 97.78 فیصد ہے جو کہ مارچ 2020 کے بعد سب سے زیادہ ہے۔
گزشتہ 24 گھنٹوں کے دوران 28،046 مریض صحت یاب ہوئے اور اب تک پورے ملک میں مجموعی طور پر 3،28،76،319 مریض صحت یاب ہوچکے ہیں۔ہفتہ وار مثبت شرح فی الحال 1.99 فیصد ہے جو کہ پچھلے 92 دنوں میں تین فیصد سے بھی کم ہے۔
اس کے علاوہ یومیہ مثبت شرح 1.86 فیصد ہے ، جو گزشتہ 26 دنوں سے 3 فیصد سے کم ہے اور اب تک مجموعی طور پر 56.16 کروڑ ٹیسٹ کیے جا چکے ہیں۔
